LÎLAV ELÎ / TOLÎN MUHEMED/ ANHA / ŞEHBA
Endama Dîplomasî ya TEV-DEMî ya Kantonê Şehba Cîhan Muhemede derheqê rolê cinîyan yê dîplomasî de qisey kerde. Muhemede dîyar kerde seba ke Şorişê Rojawanê Kurdistanî de cinîyê kurdî qezencê xo pawitî û warê têkilîya dîplomasî de bîyî wayîrê vatişî.
Muhemede dewamê qiseykerdişê xo de wina va: “Şorişê 7 serran de cinîyî rolêko aktîf heme warê cuyayîşî de kay kerdî û seba averşîyayîş û serkewtişê pîlî bedelê giranî dayî. Nê xebatanê muhîman ra yew zî xebatê dîplomasî bîy. Seba bingeyê komelî her hetî ra xurt bibo û komel bieşko erjê xo yê neteweyî bipawo, ganî warê dîplomasî de serkewte bo. Cinîyê kurdî no het ra zî xo aver berdî.”
Muhemede dîyar kerde ke cinîyê kurdî bi xêrê têkoşînî warê siyasî de zî xo aver berdê û wina va: “Cinîyê kurdî bi çalakî û tevgerê xo îspat kerdî ke aye eşkena her het ra wayîrê vatişî bibo. Xêrê têkoşîn û têkilîyê dîplomasî yê cinîyan dinya vengê kurdan eşnawite. Eynî wextî de seba ke vengê penaberan zî bi dinya bidê eşnawitene her wext mîyanê hewldayîşî de yî. Warê sîyasetî de zî cinîyê kurdî bîyî wayîrê vatiş û linganê xo ser o manenê. No zî saya hêzê cinîyan û têkoşînê cinîyan de yo.”