Merkezê Cigêrayîşanê Sehaya Sosyo-Polîtîkan keyeyanê Sûrî ke wextê qedexeyanê tebervejîyayîşê kuçeyan de bi hawayo zorî ameyî koçkerdene ser o anketêk viraşt. Goreyê anketî ame dîyayene ke kesê ke bi zorî Sûr ra ameyî vetene ra se ra 82ê ci, wazeno tepîya biagêro Sûr.
Anket de 120 keyeyan reyde pêvînayîşî ameyî viraştene û anketan de analîzê ekonomîk, kulturî, sosyal û sîyasalî ca girewtî. Goreyê anketan yeno dîyayene ke bêkarî zêde bîyo. Keyeyê ke ameyeyê înan kêmî yo, zêde bîyo. Kesê ke beşdarê anketan bîyî ra se ra 36ê ci qet mulkê înan çin o. Reyna kesê ke ca û warê xo ra bîyî, tewr zaf hetê cayê ke tede bimanî de zehmetîyan ancenî.
Netîceyê anketî de yeno dîyayene ke têkilîyê cîrantî zî bedilîyayî. Nînan ra têkilîyê se ra 74ê ci xirab bîyo. Reyna yeno dîyayene ke se ra 20ê ci perwerdeyê xo nîme de verdayo. Netîceyê pêvînayîşan de se ra 82ê kesan waşto ke tepîya biagêrî Sûr.
MA /AMED