Komeleya Edebîyatkarê Kurd, Gruba Wendişê Amedî, Platformê Qelemî yê Cenîye çarçiweya pîrozkerdişê 8’ê Adare panelêk viraşt. Panel de Vervatoxa TJAyî Ayşe Gokkan û Şaîr Roza Metîna qise kerdê.
Vervatoxa TJAyî Ayşe Gokkan vat ke seba azadîya cenîye, zaf cenî cuya xo dayê, ganî nîrî vîrkerdiş û wina vat: “Bedelê 8’ê Adare çi heyfo zaf bi gird o, çiqas ma têkoşîn dayî zî hema zî fikrê zayenperestî esto. Finak nuştoxê merdeyî, estanekê xo de cenî ra bi fikrê zayendperestî nêzd benê. Cayê cenîye de qerar gênê, no edebîyat nîyo.”
Rolê cenîye yê edebîyatî de
Gokkan destnîşan kerd ke nuştox nîya, têkoşîn dana ke edebîyatê cenîye bimusa û wina domna: “Çi heyfo ke edebîyat de cenî her tim binê emrê merdeyî de ameya nîşan dayiş, cenî sey populer yena eşnawitiş, kapîtalîzm cenî sey silgirê romantik û cînselî şuxilneno.”
Nuştox Roza Metîn zî dest nîşan kerd ke keda cenîyan taybetî rasteyê edebîyat û deyrbazî de nîna dîyîş û wina dewam kerd: “Cenî senî rasteyê bîn de yena mêtingkerdiş, rasteyê edebîyatî de zî wina yena mêtingkerdiş. Ma finak bidê Cemîla Celîl, Casimê Celîl û Celîlê Celîl nînê şinasnayiş la Cemîla Celîl zaf metnê edebîyatî yê Kurdî vînîbîyayişî ra xelisnaya. Ganî vera zîhnîyetê merdeyî ma têkoşîn bidê.”
JINNEWS/AMED