Minbic 1ê Hezîrana 2016î de netîceyê îlankerdişê hemleyêkî de amebî azadkerdene. Aye roje ra nata Minbic de huzur û bawerî hîna xurt a û her ke şono hîna aver şono. Fermandarê Meclîsê Leşkerî yê Minbicî Ebu Elî Necîmî qisey kerd.
Necîmî va ‘ma seba ke şarî destê DAÎŞî ra bixelisnî, ma operasyonêko merhaleyin plan kerd’ û wina va: “Operasyon Barajê Tişrînî û Pirdê Karakozakî hedef kerdêne. Her di baskî dewa Ewseclî de ameyî têhet. O wext seba ke şerwanê Meclîsê Leşkerî yê Minbicî tay bî, ma QSD reyde bi hawayo koordîneyin hereket kerdêne. Wexto ke hêzê ma aver şîyî, çeteyî teng bîyî. Çeteyan sîvîlan bi hawayo tirso ganî bikar ardênê. Labelê reyna zî ma bi hezaran sîvîlî azade kerdî.”
Necîmî va ‘ma xeylê şehîdî dayî’ û wina domna: “Ma seba ke xeyal û amancê şehîdan bidî cuyayene, têkoşîn domnenî. Badê ke bajar ame xelisnayene, Îdareyê Sîvîlan yê Minbicî û Meclîsê Leşkerî amey pêser. Meclîsê Leşkerî yê Minbicî û Hêzê Ewleyîye yê Zereyî berpirsîyarîya ewleyîya zereyî girewt. Îdareyo Sîvîl zî xebatanê xizmetî girewt milê xo ser. Ma seba ke huzûrê bajarî bica bîyarî, ma do xover bidî.”
ANHA / MINBIC