Badê ke seba awankerdişê Yewîya Neteweyî rayberîya Kongreya Neteweyîya Kurdistanî (KNK) de kombîyayîşê şêwirîyayîşî ame viraştiş û bi seyan nuştox, roşnvîr, akademîsyen û partîyê sîyasîyî beşdar bîyî, nika zî Kurdistan de vengdayîşê ke seba Yewîya Neteweyî yenî kerdiş zî dewam kenî. Her roje hetanê cîya-cîyayan ra nê vengayîşî yenî kerdiş û bale ancîyeno muhîmîya Yewîya Neteweyî ya Kurdan ser.
Cinîyê amedijî ke bi serran o polîtîkayanê dewlete yê înkar, qetlîyam û sewbîna reyde têrî manenî, qisey kerdî û qala muhîmîya Yewîya Neteweyîya kurdan kerdî.
Cinîyan ra Guluser Karahane bale ante muhîmîya Yewîya Neteweyî ya Kurdan rê ser û wina va: "Êdî qetlîyamê ke kurdan ser de yenî meşnayîş, nînî qebulkerdiş. Ez bi serran o ke mergê domanan vînena. Eke ma kurdî nêbî yewe do nê zext û zulmî bidomyî. Kura de kurdî estî, wa bêrî têhet û destê yewbînan bigîrî. Nê erdî yê ma hemînan î. Ciwanê ke çar parçeyanê Kurdistanî de şer kenî û mirenî sewba Yewîye û azadîya ma birenî. "
Ganî çar parçeyî bibîy yewe
Razîye Işiktaşe zî va 'lajê mi zî no oxir de şehîd kewt' û wina dewam kerde: "Seba ke êdî kes nêmiro, Yewîya Neteweyî şert a. Bi serran o tena xeyalê mi Yewîya Neteweyî ya çar parçeyanê Kurdistanî ya. Seba ke ma nêbî yewe, bi serran o ma raştê zulmî yenî. Ganî Barzanî zî seba Yewîya Neteweyî kede bido. Eke ma nêbî yewe, ma do yewe bi yewe bimirî. Seba erdêko azad ganî çar parçeyê Kurdistanî bibî yewe."
ANF/AMED