Seba heyfgirewtişî beşdarê gerîla bîya

Şarê kurd 2015 de vera hêrişanê topyekunî yê hukmatê AKPyî de xoserîya xo îlan kerdbî. Şirnex, Cizîr, Gever, Sûr û Nisêbîn zî mîyanê nê cayan de bîy. Şarê kurd waştişê xo yê heqdar ver raştê hêrişê hukmatî ame û hêrişan ver bi seyan merdimî ameyî qetilkerdiş. Nê zext û tedayê hukmatî ver bi seyan ciwanan vera xo dayî koyan û beşdarê gerîla bîyî. Gerîla Sozdar Kurtay zî nînan ra yew a. Babete ser o Sozdar Kurtaye qisey kerde.Sozdar Kurtaye bi yadkerdişê kesê ke Xoverdayîşê Xoserîya Demokratîke de resayî şehadet, dest bi qiseykerdişê xo kerde û wina va: “Şarê kurd destpêke ra nata tim seba azadî şer kerdo û vera zulmî de sere nêronayo û koletî qet qebul nêkerdo. Waştişê cuyeyêka xosere heqê her şarî yo. Çimkî şar bi xo do senî bicuyo, qerarê ci bido.  Xoserîya Demokratîke tena seba şarê kurdî nê, seba heme şaranê Tirkîya yo. Hukmatê AKPyî seba ke fam kerd ke cayêko şar tede bi hawayo xoser bicuyo, ewja de nêeşkeno estena xo bidomno. Cok ra tersa û dest bi qirkerdişî kerd. Şarê kurd bi hawayo rûmetin xover da.”

Bi desan cinî estî 

Kurtaye dewamê qiseykerdişê xo de wina va: “AKP bi zîhnîyeto qirker sey heme cayan tîya de zî cinîyan qetil kerd. Sêvê Demîre, Pakîze Nayire, Fatma Uyare, Dayîka Taybete û sewbîna xeylê cinîyî hetê AKPyî ra ameyî qetilkerdiş. Seba ke hukmatê AKPyî fam kerd ke do bi têkoşînê cinîyan têk şêro, qetlîyaman viraşt. Şaro ke bi qetlîyaman nêqedîyayo, do bi têkoşînê azadî bihêz bibo. Ez zî sey ciwananê bînan, seba heyfgirewtişî beşdarê gerîla bîya. Seba ke ez mîyanê PKKyo ke seba şarê xo fedakarî keno de ca gêna, sereberz a. Çimkî PKK tevgerê azadî yê heme şaran a. Ez veng dana heme ciwanan wa beşdarê gerîla bibî û têkoşînê xo bidomnî.”