Krîzê ekonomîke û zêdebîyayîşê vaya nanî ver, ê ke heta nika nanê tenûre nêpewtêne, agêrayî nanê tenûre ser. Xeylê taxan de tenûrî newe ra ameyî temîr kerdene û pewtişê nanê tenûre her ke şono zêde beno. Keyeyî dîyar kenî ke bêxera pewtişê nanî, sewbîna îmkanê înan nêmendo.
Cinîyê ke tenûre ser o nan pewjenî ra Fatma Korkmaze da zanayene ke ê problemanê ekonomîkan ancenî û wina domnaye: “Badê ke vaya heme çî zêde bîye, şertê ma yê ekonomîke zî bîyî xirabin. Verê cû ma heme çîyê xo bi xo resnayêne. Labelê nika ma hemînan herînenî. Nika hêzê ma çin o ke ma çîyêk biherînî. Seba ke vaya nanî zêde bîye, ma nanê xo bi xo pewjenî.”
Cinîyan ra Hacer Korkmaze zî wina va: “Êdî heme çî vaye bîyo. Seba ke kes nêxebetîyeno, ma nêşênî çîyêk biherînî. Keyeyê ke hûmara înan zêde ya, nêşênî nan biherînî. Tayê keyeyan de des kesî cuyenî. Rojêk de 10 nanî kenî 15 TL. îmkanê ma yê herînayîşê nanî çin o.” Gulsum Ante zî va ‘Tirkîya de nano tewr vaye Colemêrg de roşîyeno’ û wina domnaye. “Ciwalêkê ariş bîyo 120 TL û nanêk bîya 1.5 TL. Her keye de 3-4 domanî estî.”
COLEMERG