Qezaya Erdîşî ya Wanî de Hakan Aydemîro 29 serrî ke hetê psîkolojî de baş nîyo, seba ke lepatêk da wezîfedarê bankaye û va ‘Tîya Kurdistan o’ ame îşkencekerdiş. Aydemîrî mudirî de heta serê sibayî ame îşkencekerdiş. Aydemîro ke bedenê ci de herindê îşkenceyî estî, dîyar kerd ke polîsan ci rê vatî ‘Tîya kam ca yo?’ û her ke o zî vato ‘Tîya Kurdistan o’ polîsî îşkence bi ci ameyokerdiş. Sewbîna keyeyê Aydemîrî muracatê Serdozgerîya Komarî ya Erdîşî kerd û polîsan gere kerd.
Aydemîrî va: “Ez seba kartê xo şîya banka. Mi şîfreyê kartê xo xo vîrra kerd û mi wezîfedar rê şîfreyê xo pers kerd. O zî va ‘do mesaj bêro telefonê to.’ Mi zî va ‘telefonê mi çin o.’ Ez banka ra vejîya ya û dima ra reyna şîya banka. Mi reyna şîfre pers kerd. O zî va ‘ma nêeşkenê çîyêk bikerî.’ Dima ra mi lepat da piro û mi va ‘Tîya Kurdistan o’. Badê hedîse mi berdî mudurî. Binê çiman de waştî ke ez Merşê Îstiklalî biwana. Mi nêwend û mi kutî. Wexto ke ez şîya banka mi înan rê ma psîkolojîyê mi baş nîyo, la mi esas nêgirewtî. Îşkence bi mi kerdî.”
WAN