Demêko derg o ke Kongreya Yewîya Neteweyî rojeva kurdan de yo. Nê demanê peyênan de bi vengdayîşê Tevgerê Azadîya Kurdî ra dima xeylê munaqeşe û vengdayîşî ameyî kerdiş. Babete ser o Sekreterê Partîya Demokratîke yê Kurdan ya Sûrîye Ebdulkerîm Seko, Endamê Îdarekarîya PYDyî Hisên Xalid û Endamê Partîya Yewîya Demokratîke ya Kurdan ya Sûrîye Mihemed Emîn Îşoyî qisey kerdî.
Wa partîyî bibî yewe
Ebdulkerîm Sekoyî bale ant hesasîyetê prosesî ser û va ‘no proseso xirabin de viraştişê Kongreya Neteweyî zaf muhîm o’ û qiseykerdişê xo wina domna: “Kongreya Neteweyî yena manaya azadîya şarê kurdî. Ganî Kongreya Neteweyî bi hawayo lez bêro viraştiş.”Hisên Xalidî zî qiseykerdişê xo de wina va: “Seba azadîya şaran Kongreya Neteweyî ya Kurdistanî zaf muhîm a. Tay kesî seba pawitişê menfîetê xo nêwazenî Kongre bêra viraştiş. Vernîya Kongre de astengî yenê vetiş. Ganî ma na rewşa xirabine de yewîya xo awan bikerî.” Emîn Îşoyî zî qala Kongreya Neteweyî ya Kurdistanî kerd û wina va: “Ganî Kongre menfîetê şexsî ra dûrî bêra viraştiş. Wa heme partîyê kurdan bibî yewe û Kongreya Yewîya Neteweyî bivirazî.”
RÊNAS REMO / ANHA / TIRBÊSIPÎYÊ