Şîrketê Serekê Şaredarîya Stenbolî Kadîr Topbaşî seba pawitoxê Serekkomar Recep Tayyîp Erdogan sîparîşê şêranî girewt. Şîrketê bi nameyê Saray Muhalebîcîsî yê ke qezaya Şîşlî ya Stenbolî de yo, faturayêka 99 hezar û 692 TL û 10 Kuruşî serekkomarî rê birna û hûmara rêze ya fatura ID: 1004943 ya. Sîparîşê şêranî tena seba cemêk werdî ameyo dayîş.
Fatura 22ê hezîrana 2017, saet 17.15î de ameya birnayîş û seba 72 hebî çîkolataya Madlenî 800 TL pere ameyo dayîş. Heto bîn ra fatura de yena dîyayîş ke seba pawitoxê Erdoganî 43 hebî çîlokatayê ke vayîya aye 300 TL ya, 20 hebî çîkolatayê ke vayîya aye 700 TL ya û 112 hebî çîkolatayê ke vayîya aye 400 TL ya, ameyî rotiş.
Lîsteyêka hîra ameya dayîş
Çîyê ke fatura de sey sîparîşî ameyî dayîş, nê yî: 35 hebî Çîkolataya Çekmecelî rê 4 hezar û 375 TL, 42 kîlo Tulumbaya ke kîloyê ci 30 TL yo, Qedeyîfê Têlî yê ke kîloyê ci 60 TL yo, Şobîyeto ke kîloyê ci 65 TL yo, Kuşgozu ya ke kîloyê ci 70 TL yo, Baklawaya Guzine ya ke kîloyêci 58 TL yo, 10 kîlo Baklawaya Fistiqine ya ke kîloyê aye 67 TL yo, 3 hebî dimsê tuyan, 7 kîlo Gullac û Kazandîbî ameyî sîparîşdayîş. Heme çî pêro pîya 99 hezar û 692 TL û 10 Kuruşî girewtî.
DÎHABER/STENBOL