Fermandaranê Operasyonê “Xezeba Firatî” ke derheqê hemle de qisey kerdî day zonayen ke rîwalo ke Tirkîye tewrê operasyonî nêbî, zaf hêrs bîya û cok ra heremanê bîn tehdît kena. Fermandarê ke DAIŞ ra dima derheqê qederê Reqa de qisey kerdî day zonayen ke ‘bado ke sûk bîro girotiş zey Minbic, Tel Ebyad û Şeddadê sûk do teslîmê însiyatîf û îradeyê şarî bibo.
Rotaya ameyişê Sûrîye
Lejwananê hemle ardî zon ke Tirkîye seba ke vera DAIŞ şer bikero nê, seba ke vera Rojawa şer bikero waşt tewrê operasyonî bibo. Dewleta Tirk ke kewt vengî nika zî bi artêşa rejîmî ra hemkarî kena.
Lejwanî bawer kenê ke DAIŞ ra pakkerdişê Reqa tenya kişta lejkerî de nê, netîceyê operasyonî de do rotayeke bido ameyişê Sûrîye û wina vatî: “Xêlê quwetî zey Mûsilî hesabanê badê DAIŞ kenê. Pakkerdişê DAIŞ do muhîm bo. La seba caardişê haştî û Sûrîyeya demokratîk hona wext esto.”
Lejwanê QSD 26 kîlometre nezdîye Reqa bîye, û seba Reqa zengilê azadî danê piro.
DÎHABER / REQA