Komîteya Piştîdayîşê Keyeyanê Şehîdan ya PKKyî derheqê aşma gulane ke sey ‘aşma şehîdan’ yena zanayîş de îzhetêko nuştekî daye. Komîteye îzehet de vato ‘Tevgerê Azadîya Kurd de her şehadet beno sebebê averşîyayîşêko newe’ û îzehet wina dewam kerdo: “Ma çiqas dormeyê Rayberîye û şehîdan de bibî yewe, hende nizdîyê serkewtişî benî. Aşma Gulane tarîxê têkoşînê ma de bîya, aşmêka sembole. Aşma ke bi 18ê Gulane dest pêkena, bîya sembolê xodîyayîşî.”
Mîrasê şehîdan
Komîteye dewamê îzehetê xo de bale anta wayîrvejîyayîşê mîras û aşqê şehîdî ser û wina dewam kerda: “Eke merdim şehîdî bido cuyayîş û çîyo ke şehîdî qezenç kerdo, bipawo, eşkeno wayîrê mîras û aşqê şehîdî zî bivejîyo. Bîyayîşê mîlîtanê Rayber Apoyî seba şarê kurd hem rûmet o û hem zî wezîfeyêk o. Erjê ma yê tewr girdî şehîd û keyeyê şehîdan î. PKK partîya şehîdan a û PKK de her şehîd beno sebebê averşîyayîşêko newe. Îbrahîm Kaypakkaya ra heta Hakki Karer, Mehmet Karasungur ra heta Şîrîn Elemunî zaf qehremanîye aşma gulane de ameyî cuyayîş.”
Xo feda kerdî
Komîteye îzehetê xo de vato ‘şehîdan welatperwerî bi hawayo kûr cuyayî û zehmetîyanê têkoşînî baş zanî’ û va: “Cok ra wexto ke şehadetî de qet tereddut nêkerdî û seba şarê xo, xo feda kerdî. Şehîdî no het de qet tavîz nêdayî. Cok ra berpirsîyarîyêka girde kewena ser milê ma. Ma mecbûr î ke nê têkoşînî biresnî serkewtişî. Ancax bi no hawa merdim layîqê mîrasê înan beno. Ma bi wesîleya aşma gulane sozê xo seba şehîdan dibare kenî. Ma şarê xo dawetê zîyaretkerdişê mezelanê şehîdan kenî. Ma çiqas dormeyê Rayberîye û şehîdan de bibî yewe, hende ma nizdîyê serkewtişî benî. Ma yewna rey vîrardişanê înan ver de milê xo çewt kenî.”
ANF/BEHDÎNAN