Hemserekê Konseyê Rayverîn ê KCK’î Cemîl Bayik derheqê muhîmînê weçînayinê 7‘ê Hezîranî de qisey kerd.

Bayik vat ki, rayê Ewrupa de bidiyê, tesîrê gird weçînayinan sero bikirê û vat: “Seweta HDP suprîzê bikiro, lazimî bi rayanê Ewrupa esto.”

Hemserekê Konseyê Rayverînê KCK‘î Cemîl Bayik qandê weçînayinê 7‘ê Hezîrani û muhîmînê raydayinê Ewrupa sero ANF rê qisey kerd.

Bayik’î vist vîrî ki Ewrupa de, raydayinê qandê weçînayinî dest kerdo ci û vat: “Gerek şarê ma û heme dostê ma ê Ewrupa, qandê weçînayinî bixeftiyê. Ma xo vîra mekirê, her ray bi qîmet û wayirê mahneyê girdîya.”

Bayik’î ard ziwan ki, kurdistanijê bi sebebê lej, zilm û zordarîni koçê Ewrupa kerdê, xebera înan rastîn ra esto û coka lazimo şirê sandiqan ser û rayanê xo bidê HDP. Bayik vat: “Eki kesê koçê Ewrupa kerdo, rayanê xo bidê HDP, iyê bişê raya ageyrayin akirê. Iyê bişê hinî welatê xo de, bi kamî, kultur û azad weşîna xo biramê.”

Cemîl Bayik eleqe ant tesîrê kurdanê Ewrupa ser û wina vat:” Kurdanê Ewrupa wextê ravêrdî de, girêdayinê xo ê bi hereketê azadî ra esas giroto. Hertim destegê madî û manewî dayo. Peyniyê enê destegî de Hereketê Azadiyê Kurdan resa rojanê ewroy. Bi rastî enê têkoşînî de ked destegê şarê ma ê Ewrupa zafo. Rayver Apo jî, tim eleqe anto ena rastîn ser. Tim spasê şarê ma ê Ewrupa kerdo. Ez zana, şarê mayo zey hetanî nika, ewro ra  tepiya jî, lazimînê mesûlîn û wezîfeyê xo biyaro ca. Senî wextê ravêrdî de destegê xo da, iyê ewro ra tepiya jî winî bikirê. Iyê şirê sandiqan ser û rayanê xo bidê HDP.”


“Teniya HDP şena enê girey akiro”

Hemserekê Konseyê Rayverîn ê KCK’î Cemîl Bayik ard ziwan ki serkewtinê HDP bêro mahneyê Tirkiye de ronayinê neteweyê demokratîk û wina qiseyê xo qedînay:”Komarê  Tirkiye ê ewroy û siyaset gire biyo. Teniya HDP şena enê girey akiro. HDP şena Tirkiyeya Newî û Weşîna Newî rono. Ez emel kena, şarê ma ê Ewrupa goreyê mesûlînê tarîxî nezdiyê weçînayinî bibê. Ez veng dana herkesî û înan wazena, hetanî 31’ê gulani bi rihê seferberîn bixeftiyê. Eki HDP suprîzê bikiro, qandê nay lazimîn rayanê Ewrupa esto. Ez no çarçiwe de, heme şarê ma ê Ewrupa selam kena û hurmetanê xo rêşena.” 


 ANF/BEHDÎNAN