5 Nîsan 2015î ra na het bi Ocalanî ra pêdiyayineke nêvirazîya. Badê teşebusê derbe, 15ê Temmuze ra na het zî bi OHALî pêdiyayinî hetê fermî zî amey qedexekerden. Ceniyê Wanijî ke tecrîd û qedexeyî rê nêrazîbîyen damûsnay waştî ke desinde heyetekê şiro giravî. Cenîyan ra Azîze Bozkurt vist vîrî ke tecrîd kesekî rê çîyekê nêdano qezenckerdiş û persa sebebê qedexeyê 3 aşman kerd?
‘Rayverê ma îradeyê ma yo’
Bozkurt vist vîrî ke badê teşebusê derbe derheqê weşî û ewleyîya Ocalanî de gumanê kurdan hona jêde bîyê û wina va: “Nê 3 aşman de dê sebikerê? Wa ser îradeyê ma ra destê xo biancê. Rayverê ma îradeyê ma yo. Wedarnayişê tecrîdî tenya serva şarê kurd nê, serva pêrokîn şaranê Tirkîye muhîm o. Wa herkes serva Rayverê ma werzero ser payan.” Azîze Bozkurt peynî de waştena haştî yê şaranê Kurdistan û Tirkîyeyî kerd û va ‘wa endî merdişî vinderê’.
Cenîyan ra Kiymet Guler zî aşkere kerd ke tecrîdo girankerdî nîno qebûlkerden û da zonayen ke heta ke ê weşî bikerê dê tekoşîn nêviradê û xover bidê. Guler vist vîrî ke heta ke Rayverê înan azad nêbo, ê zî azad nêbenê û va: “Encex Rayverê ma êşkeno herbî bido vindernayen. Rîwalo ke bi ey ra nêpedîyayî gonîya ke rijyena çarnîya rûbarî. Wa herkes werzêro ser payan û na gorî bido vindernayen.
‘Encex Ocalan êşkeno no zilmî vinderno’
Wanijan ra Makbûle Doganî hayr ant gumananê şarî ser û va, sermîyanî mecbûrê ke zonayişî bidê. Nazîme Abî zî vist vîrî ke şexs dê Ocalanî de pêrokîn şarê kurd yeno tecrîdkerden. Abî sevra vindernayişê qetlîam û qirkerdenî hayr ant wedarnayişê tecrîdî ser û va: “OHALê 3 aşman ke badê derbe ame îlankerdin şarê kurd û tirk ra zilm o. Mîmarê ciwîyayişê ortex Ocalan o, nayî ra ganî tecrîd wedarîyo.” Esnafê kurd yê Îzmîrijî zî day zonayen ke endî ê emelê çêkûya ‘wa û birabîyen’ nêkenê û Reîscûmhûr, Serokwezîr ra pîya pêrokîn sermîyayanê dewlet rê îqazê ‘sebrê ma qelibeno’ kerdî. Esnafan ra Alî Riza Oktay hayr ant tecrîdê 5 serran yê verra Ocalanî ser û waşt ke desinde tecrîd wedarîyo û Ocalan serbest veradîyo.
‘Sebrê ma qelibeno’
Gurekarê Otopark Ferîd Yilmazî zî aşkere kerd ke îradeyê şarê Kurdistan çinî nîno hesibnayen û vengê muzakere da Erdogan û Bînalî. Yilmazî va, kardî estî ravêrnayo, hinî sebrê ma qelibeno’. Esnafan ra Mehmet Ertaşî zî vist vîrî ke endî emelê çêkûya ‘wa û birabîyen’ ke ser menfeatî ronîyaya nêkenê û hayr ant makeqanûna bingeyîn ya newî ser. Ertaşî va eke na het de gamî nîrê eştiş pêvaco do hona vêşî bixetimîyo û waşt ke desinde pêdiyayişê malbata Ocalanî virazîyo.”
‘Birêz Ocalan xeta sûrî yê şarî yo’
Ertaşî hayr ant guman û tersê şarî yê derheqê Rayverê xo ser û wina va: “Çike Birêz Ocalanî serva şarê kurd zey xeta sûr o. Çike Ocalanî serva na şarî terzekê newî yê ciwîyayişî rona. Azîz Batûrî zî da zonayen ke şertê ser nê hardî de ronayişê haştî serbestîya Ocalanî yo. Batûrî zî derheqê weşîya Ocalanî de gumanê xo ardî ser zon û va, ‘şarê kurd şert û mercanê Rayverê xo meraq keno.” Batûrî vengê nûmayişan da herkesî û aşkere kerd ke ganî ma her ca de bivejyê meydanan û veng bidê sermîyananê hikûmet.
NAVENDÊ XEBERAN