Şehîd, rumet û erjayeyê Şarê Kurd o.

Şehîd, bîyayîşê Şarê Kurd o.
Şehîd, heşê Şarê Kurd o.
Şehîd, cîger, ruh û cesaretê Şarê Kurd o.
Şehîd, keyna, laj, comerd û cinîye en egît ayê Şarê Kurd o.
Seba nayê wexto ke hêrîşek ser Qebristanê Şehîdanê Şarê Kurd bibo, Şarê Kurd bê veng nîmaneno.
Dewleta Tirk, Hukumatê AKP û Cemaatê Fetullah Gulan nayê weş zananê. Weş zananê ke, hêrîş kenî ser Qebristanê Şehîdan.
Peynîye de hêrîş kerd ser Qebristanê Şehîdan ê Geverê.
Şarê Geverê zî, bê veng nêmend. Ver hêrîş meş kerd.
Polîsê AKP û Cemaatê Fetullah Gulen bi wehşî û hêrîş kerd ser Şarê Kurd.
No hêrîş hinawo ke, planê no hêrîşê hetê Hukumatê AKP û Cemaatê Fetullah Gulen ra verêcu ameyo hadrekerdiş.
Hina aseno ke, kamî bikişenê yew bi yew name înan zî zelal kerdo.
Kiştişê Veysel Îşbîlîr û Reşîd Îşbîlîr hina aseno.
Kiştişê Bêmal Tokçu zî hina aseno.
Raştî hina zelala, la ma ewnenê medyayê AKP, Cemaat û Dogan de qasê zerrê misqal vîjdan nêmenda.
Polîs dîmenê sexte ayê serrek verêcu hadrê kerdî,nayê dîmenan vila keno. Pê nayê dîmenan û dazanayîşê zurî wazenê ser sucê xo bigerenê.
Medyayê AKP,Cemaat û Dogan nayê dîmenan danî şixulnayîş, pê no şerê teybet wazenê cirmê polisan bi nimnenê.
La çi bikerenê, Şarê Kurd zano raştî çîya û senîna.
Hêrsê Şarê Kurd, çiqa şino zêde beno. Şarê Kurd, pêro cayê Kurdîstanê de tayî û zaf hêrsbîyayîşê xo nîşandano. Meş keno.
Çewlîg de hina kerd û keno. Qers de hina kend û keno. Amed de hina kerd û  keno. Cayê bîn de hina kerd û keno.
Licê de ciwanên Kurd rayîr birna û eskerê Tirk tepişt. Dima ra veradê. Ciwanê Kurd, pê no çalakî ca de heqê xo a qisasqirewtişê da şixulnayîş.
Şarê Kurd, bîyo zê bizotê. Bîyo zê adirî. Eger zulmê AKP û Cemaatê Fetullah Gulen hina dewam bikero, Şarê Kurd zî ver zulmê înan xoverdayîş bikero. Heme ca AKP û Cemaatê Fetullah Gullen ra bikero ceheneme. AKP û Cemaat benî aqil wa aqil bibenê. Eger aqil nîbibenê û wa bizanê ke  Şarê Kurd ê aqilê înan serê  înan ra bi perreno.