Serrgêra Qetlîyamê Pirsusî de Merkezê Kulturî yê Amara de merasîma vîrardişî ameye viraştene. Hêzê dewlete rayîran ser o nuqteyê kontrolî ronayî û hewl dayî merasîme asteng bikerî. Labelê reyna zî merasîme ameye viraştene. Parlamenterê HDPyî Omer Ocalan û Murat Çepnî, Dayîkê Aştîye, îdarekarê HDP û DBPyî û Velî Saçilik zî tede xeylê kesî beşdarê merasîme bîyî. Merasîme bi rêzgirewtişî dest pêkerde. Parlamenter Omer Ocalanî qisey kerd û wina va: “Tîya de 33 ciwan û roşnvîrê nê welatî ameyî qetil kerdene. Çi heyf ke na cografya de erjê canî nêmendo. Labelê ma şaranê xo reyde têkoşînê xo domnenî. Wa herkes bizano ke peynîya DAIŞî yena û hêvî û têkoşînê ma do hîna zêdeyêr bibî.” Helîn Yilmaze zî qisey kerde û wina va: “Xeyalê înan estbî û ma do nê xeyalî bidomnî û biresnî serkewtişî. Seba ke ciwanan bawerîya xo bi şorişî ardbî, tîya de ameybî têhet. Heme tîya de no bexçe de ma rê huyenî. Ma do têkoşînê embazanê xo bidomnî.” ANF/RIHA