Bi hezaran welatiyên ji hemû pêkahateyan cenazeyên şervanên Meclîsa Leşkerî ya Sûriyanî Sîmon Qolinc (Kirstyan), Nûr Gemo (Eyûb) û endamê Sutoro Elî El-Ehmed (Iskender) ên di Pêngava Xezeba Firatê de jiyana xwe ji desd dan, spartin axê.
Serokê Meclîsa Zagonsaz Nezîra Goriyê, Serokêa Desteya Parstinê yê Kantona Cizîrê Rêzan Gulo, Hevseroka Destaya Karê Derve Sîham Qiryo, Hevserokên Destaya Olî Ezîza El-Xenfer û Cozîf Lehido, Rêveberiyê Destaya Karê Şehîdan Mando Xelo, Berdevkê Fermî yê Meclîsa Leşkerî ya Suryanî Kîno Kibraîl, Rêveberên PYD, Saziyê Civaka Sivîl jî di nav de bi hezaran kes beşdarî merasîmê hersê tekoşeran bûn.
Destpêkê li Dêrê merasîmên olî hatin lidarxistin. Paşê jî girseya gel cenazeyên şervanan wergirtin û bi karwanekî tirkpêlan ber bi goristana Sûriyaniyan a li taxa Mişêfrê ya Hesekê derketin rê. Li vir jî beriya definkirina şervanan şervanê Meclîsa Leşkerî ya Suryaniyan rêzgiritina leşkerî lidar xistin û paşê cenazeyên şervanan bi diruşmeyan hatin definkirin.
ANHA / HESEKÊ