Selahaddîn Demîrtaş seyî bi hemserokê BDP, uca ra nat R.Tayyîp Erdoganê lerz girewto. Yew hayîyê zelal destê mi de esto. Wexto ke Selahaddîn Demîrtaşî, ze Hemserokê BDP’ê qiseyê xo yê verênê keno, R.Tayîp Erdogan vano: “”No merdim ça ra vejîya?
Uca ra nat R.T.Erdogan hem Selahaddîn Demîrtaş ra terseno, hem zî wexto ke Demîrtaş qisey keno lerzeno. Vano eceba derheqê mi de qisey bikero!
Hina Selahadîn ra terseno ke, wexto ke ser Selahaddîn qisey keno, name eyê zî nêdano. Heqeret keno vano: “O zat”.
Heqeretê R.T.Erdogan dewam kenî.
Çend roj verê cû heyeta HDP û AKP ser des madeyên ke Serokê Şarê Kurd Abdullah Ocalanê qey pêvajo dabî dîyarkerdiş, seba înan yew dazanayîş da.
Bi dazanayîş ra R.T.Erdogan hemberê Selahaddîn Demîrtaş hêrîş da destpêkerdiş. Reyna va: “O zat”
Eyê dima ra Bulent Arinç û Ehmed Dawudoglu hêrîşê Selahaddîn Demîrtaş kerd.
Ma zanê, wextê Serhiladanê Kobanê de AKP yew qeşmerê MÎT û Hîzbulkontra Hudapar eyarkerdibi, pê eyê qeşmerî hêrîşê Selahaddîn Demîrtaş kerd.
Nika zî AKP û Hîzbulkontra Hudapar pîya hemberê Selahaddîn Demîrtaş hêrîş dawo destpêkerdiş.
No hêrîş, hêrîşêk bi plano. No plan R.T.Erdogan û AKP û MÎT pîya raverbenî.
AKP, seyî dî ke HDP bendê weçînayîş derbas kena, no plan da destpêkerdiş.
AKP, wazena pê no planê îtîbarê Selahaddîn Demîrtaş bivisno. Hina verênîya HDP bigero. Nêverdo ke HDP’ê bendê weçînayîş derbasbikero.
Hina kena ke, pê hîlebazî weçînayîş de serbikewro.
AKP wazena ke hina, gore xo pergalê serokayî, gore xo desturêk bingeyî, gore xo pergalê di partîyan û qirkerdişê kurd bivirazo.
Plan û stratejîyê AKP hina yo.
La AKP nêzana, stratejîyêk HDP zî esto. HDP yew îttîfaqêk zaf hîra virazena.
Pê no îttîfaqê kewna weçînayîşê.
Yew merdimêk zaf biaqil ze Selahaddîn Demîrtaş zî hemserokê HDP yo.
R.T.Erdogan û AKP û Hîzbulkontra Hudapar ayê, çiqas hêrîşê Selahaddîn Demîrtaş bikerênê, nêşkenê netîce bigerê. Hetê jîr û zanayî de Selahaddîn Demîrtaş eşkeno R.T.Erdogan, Bulent Arinç û Ehmed Dawudoglu û Hîzbulkontra Hudaparijan bin bivisno.
Xo ra şarê kurd zî Selahaddîn Demîrtaş ra zaf heskeno. Heta nika ra şarê tirk zî vanî bena ma zî rayê xo bidi Selahaddîn Demîrtaş.
Netîce de HDP bin hemserokîyê Selahaddîn Demîrtaş de serbikewro û AKP bin bikewro.
Heqîqet hina aseno.