Cinîya bi nameyê Gulîzar Balkize bi dayenedeştiş û rotişê şelwaranê rengînan him debara xo kena û him kî vera modakarîya kapîtalîzmî kulturê xo seveknena.
Gulîzar Balkize her hamnanî Xarpêt ra şina Dersim û çemê Mûnzûrî ver de şelwaran (degsigî) roşena û debara xo kena. Bi bajarwanî ra pîya kulturê xerckerdişî zî hîna bîyo vêşî. Bin nameyê moda de însanî kulturê kinc û kisvetê cewherî ra dûr kewnê. Vera nayî Gulîzar Balkize bi ferasetê estetîkê şelwarî deştena û resnena cinîyan. Balkize ana ziwan ke şelwarî cilanê hemdemî ra hîna rehat ê û vist vîrî ke cinîyê ciwanî hona jhede eleqe şelwaran rê damûsnenê
‘Moda’ya şelwaran derbaz nêbena’
Gulîzar Balkize da zanayîş ke seba cinî û camêrdê dewijan xo ra dayîşê şelwaran hîna rehet o û wina va: “Kesê ke yenê tîya taybetî wazenê şelwar bigîrê. Hem seba vîrameyîşî û hem zî seba ke xo ra dayîşê şelwaran dewe de hîna rehet o, gênê. Her sere cilê neweyan gênê la modaya şelwaran derbaz nêbeno.”
Balkize da zanayîş ke şelwarî hetê hemine ra nînê deştiş û wina va: “Ez zî zana şelwaran bideşna la ez dana deştiş. Cinîyêke ez tira şelwaran gêna derznena. Aye cinîyêka ciwan a la ez hinî extîyar a. Goreyê mi çiqas wext şino eleqe hîna beno zêde.”
ŞÛJIN/DÊRSIM