Arîn Mîrkan keynaya jew keyeyê welatperwer bî.  Bi kulturê welatperwerî û netewî bî pîl. 3 birayê ci estê û her 3 zî, quwetanê YPG mîyan de ca genê. Arîn Mîrkan dewa xo Mîrkan de, mektebê siftayin û werteyin bi serkewtişî qedîna.  Serra 2007 de, tewrê Hereketê Azadiyê Kurdistanî bî.  Serniyê Şoreşê Rojawa de, Arîn Mîrkan tewrê xoverdayiş û tekoşînê şoreşî bî. Cayê xo Yekîneyên Parastina Jin YPJ de girot.

Arîn tarîxa Rojawa vûrna
Heme cayanê lej û xoverdayişî de, seba heme embazanê xo, bî kesa nimûne. Arîn Mîrkan bado bî fermandara YPJ. Xoverdayişê Kobanê de fermandarînê YPJ kerde. Roja 5ê cotmeha 2014î de, Kaşê Miştenûr de, vera çeteyanê DAIŞ çalakiya fedaî viraşt. Bi na çalakîya xo bî sembolanê xoverdayişê Kobanê. Bî jû efsane û nameyê xoverdayişî. Bî sembola xoverdayişê ceniyanê kurd û nameyê bi hezaran domananê kurd girot. Cenîya fedaîyê azadî Arîn Mîrkan serragêra şehadeda xo de hetê Kurdistanijan yena yadkerdiş. Fermandarîya Pêroyîn yê YPJ Arîn Mîrkan 2. serraghera şehadeta ci de, vîr ard. Herzewbîn lejwananê Arîn Mîrkan zî soz day ke dê heta peynî seba ca ardişê omidê fermandara xo Arîn tekoşîn bikerê. Taqîpkaranê Arîn aşkere kerdî ke bi tekoşîna Arîn cenîyê kurd pêrokîn dinya rê bî nimune.
Meclîsa Rayverîn yê Kantona Efrîn zî bi damûstayîneke nuşteyî Arîn Mîrkan vîrard û aşkere kerd ke Arîn Mîrkan bi çalekîya xo tarîxa Rojawayê Kurdistan de vûrnayişeke kerd.

Çeteyanê DAIŞ bi pîyakarîya dewleta Tirkîye cotmeha 2014î de çormeyê Kobanê girotî û waştî qetlîameke bi gonîn virazê. Lejwananê YPG û YPJ ke dûştê nê sereştişan xover day vistî ke çeteyê DAIŞ bi xo derbe buwerê û binkewê. Arîn Mîrkan zî bi çalekîyê xo yê fedaî 5ê Cotmeh de rayverîna xoverdayişê serkewtişî kerd. 

NAVENDÊ XEBERAN