“Lazim o ke şar û dezgeyî hayîng bibîy û îzehetanê çapemenî, meş û cuyayî asayî de zî asayîşê xo bigîrîy. Nêy hêrişan ra encax ma eşkenîy no hawa veng bivecîy.”
Asayîşî nêgênîy
Demêy peynî de hêrişêy ke Amed û Pirsûs de ameyî cuyayîş muhîmîya vernîyazê Rayverê Şarê Kurd Abdullah Ocalanî ke semeda heme şaran ardbi ziwan rayna nîqaşan rê akerd. Polêsêy ke îzehetê wirdêlêk ke hetê muxalîfan ra bêro ziwan teqîp kenîy, demo ke qetlîyam hewşê Navenda Çanda Amarayî ya Pirsûs de ame cuyayîş û 31 ciwanan cuyayîşê xo vindî kerd de çîyek nêkerd.
‘Finaka rojawanî’
Bîrtane çîyêy ke qetlîyama Pirsûsî ra dima ameyî cuyayîş nirxna û vat: “No ne ewil o û ne zî ya peynî yo. Ma no, çîyêy ke Kurdistan û Rojhilatê mîyanên de yenîy cuyayîş ra zî fam kenîy. No semed ra zaf partî û dezgeyan îzehet kerd ke do bi xo bipawîy. Xopawitiş muhîm o. Çimkî dewlet ti awayî şarê xo nêpaweno. No semedra zî dewlet tena şermizar keno.”
Bîrtane ard ziwan ke bingeya serkewtişê Rojawanî de xopawitiş esto û wina domna: “Ma zî beşdarî îzehetê ke HDP dayo û vato ‘lazim o şar û dezgeyî pawitişê xo bigîy’ benîy. Ger ke yew hukimat nêşînbo pawitişê şarî bigîro aye wext cenî, doman û pîr ferq nekeno, lazim o ke her kes pawitişê xo bigîro. Ma finaka nêy zî Rojawanî de şexsê heme şaran de dîy. Şar ger ke bişînbo xo bipawo eşkeno ser bikewo.”