Qezaya Semsûr Samsat de vizêr bi quwetê 5.8 erd lerzîya. Zelzele yo ke seat 14:07 bi, sûkanê çormeyê ci Dîlok, Kîlîs, Amed, Êlih û Riha de tesîr kerd. Zelzele 10 kîlometre binê erdî de rî da.
Goreyê zonayîşan dewa Akdamar ê Semsûr de 15 keye rîwalê zelzele xirab bî û 3 dewijî zî bî dirbetin. Herzewbîn tayî dewan ra zî zonayîşî nêamey girewten. Samsat ra pîya Semsûrijan bi hawayo panîkî xo eştî teberê keyeyanê xo. Samsat ra pîya qezaya bîn Kolik de zî erd lerzîya. Semsûr ra pîya Kasimkûyû ya ke girêdayê Riha ya de zî bi quwetê 4.6 zelzele rî da. Bi sebebê zelzele dîwarî qelişyay, keyeyê kehanî welişyay.
SEMSÛR