Sendîkagerê Îngîlîzî, seba ke paştdayîş bidê grevê vêşanîye yê vera tecrîdkerdişê Ocalanî paytextê Londonî de 28’ê Sibate (ewro) dest bi grevê vêşanîye yê hîrê rojan kenê.
Komela Kulturî ya Karkeranê Maciran a ke paytextê Londonî de xebitîyena, seba ke bale bianca serê grevê vêşanîye û paştdayîş bida çalakwanan, dest bi grevê vêşanîye yê hîrê rojan kena.
Hetkarê Serekê Pêroyî yê Sendîkaya Rayîranê Asinî û Resayîşî (RMT) Steve Hedley û endamê Heyetê Rayberîya Merkezî yê RMT’yî Eddie Dempsey zî do tewrê grevê vêşanîye bibê. RMT Brîtanya de sendîkaya tewr girdan a resî ra yew a û 83 hezar endamê ci estê.
Steve Hedleyî derheqê armancê çalakîya paştdayîşî de rojnameyê Morning Starî rê nuşt. Nuşteyê xo de Hedleyî bale ante serê waştişanê xoverrodayoxan û da zaneyene ke, xoverrodayoxê grevê vêşanîye edeletî rê gêrênê û veng bi pêroyîya dinyaye kenê ke çîyêk bikera.
Hedleyî hetê bînî ra şîrketanê Brîtanya û Ewropa ra waşt ke têkilîyanê xo yê bazirganî Tirkîya reyde bibirnê.
LONDRA