Meşa ke hetê Meclîsê Xoserîya Demokratîk ê Şengalî, seba serbestîya Rayverê Şarê Kurd Abdullah Ocalanî ame organîze kerdiş de bi seyan kesî amade bî. Nûmayîş ver banê meclîsî de destpê kerd û heta herêma Girê Nîska yê dewa Kolakê dewam kerd. Nûmayîşkaran posterê Ocalanî hewaday û pankartê bi nuşteyê seba serbestîya Ocalanî akerdî.Meş ra dima ser nameyê Meclîsê Xoserîya Demokratîk Rihan Hico qisey kerd.
Mîmarê medenîyetê demokratîk o
Hico hayr ant îzolasyonê 18 serran ser û va, "Dewleta Tirk a faşîst, bi pêrokîn quwetê xo, no 18 serrî yo, bi rengeke nehuqûqî û neexlaqî tecrîdêko hovane ser mîmarê medenîyetê demokratîk Rayber Apo ferz kena û bi no rengî wazena îradeyê şaranê Rojhelatê Mîyanên çin bikero.”
Hico destnîşan kerd, ke şexsdê hêrîşanê vera Ocalanî de komkiştena hemverê şaranê herêm dewam keno. Hico ard ziwan, Ocalan bi xoverdayîşê xo yê 18 serran ê Îmrali, vernîya hemî plananê dewleta Tirk giroto. Rihan Hico veng da rêxistinanê heqê mordeman ke vera tecrîdî helwest damûsnê.
ANF/ŞENGAL