Operasyonê Hêzê Sûrîyeya Demokratîke (HSD) ke seba xelesnayîşê qezaya Hecînî dabi destpêkerdene dewam keno. Şerwanî rixmê şertanê xiraban ê hewayî de operasyonê xo domnenê. Seke roja ewilêne ya şorişî ra şarê Vakur û Rojawanê Sûrîye zî paştîdayîşê xo yê seba şerwanan domnenê.
Kesê ke pey cepheyê şerî de kar kenî, herçiqas ke şer nêrî dîyayene zî, raştîya xo de ê zî rolêko aktîf şer de kay kenî. Westayê ke wesayîtanê şerî tamîr kenî zî nînan ra yî. Mihemed Hemoyo ke westayê motoran o zî wextêko derg o hemleyan mîyan de yo û vano ke ê bi meslegê xo şorişî rê havile kenê.
Hemoyî wina va: “Wesayîtê ke hemleyan de yenê şuxulnayene leze xeripîyenê. Berdişê înan ê merkezê bajarî zî zehmet o, na yewe ra ma zî peyê cepheyî de tamîrxane viraşt û wesayîtan tîya de tamîr kenê. Gama ke pêkewtişê giranî nêvirazênê ez 10-15 rojan ra reyêk şina şaristanê Rimêlan serdanê keyeyê xo kena.”
Baro giran milê wesayîtan ser o yo
Nêçîrvan Hesen zî ke dîyar keno ke o 7 serrî yo ke tamîrxane de westa yo û qasê serrêk o ke tamîrxaneyê peyê cepheyê HSDyî de xebetîyeno. Westa Nêçîrvano ke eynî wextî de gureyê xo yê leşkerîye zî keno, wina domna: “Ma tîya de hem leşkerîya xo kenê hem zî hemle de cayê xo gênê. Hemleyan de wesayîtî xeylî muhîm ê, ez eşkena vajî ke baro giran milê înan de yo.”
ANF / DÊRA ZOR