Di heme taxê kantone de xebatê înşaetî verê çimê yena, taybetî banan ser zaf qatî ser yenî viraştiş. Taybetî welatijê Efîne baneke 3+1 odeyî est o, tercîh kenî. Taybetî sektorê înşaetî di kantone de verba çewtîya şaristanî aver şona û taybetî muhîmê binê awanîya şaristanî yena dayiş. Rayedaran zî bi şarê xebat kenî û bi planî şaristanî wazenê aver berî.
Ameyişê nûfisê ser
Hemşaredarê Efrîne Abdurrahman Îbo xebatê înşaetî ser dîyar kerd ke înan cendereya şerê zereyê ser sîyasetî şopnenî, peynîya şerê di Halep, Tel Hasîl, Tel Aran, Îdlîp, Hama, Humus û Şan ra bi hezaran merdimê Efrîne ra amey û wina vat: “Ona ameyişê nûfisê ser di kantone de lazimeya banê vejîya asanî, tay kesî zî na rewş firsed vînayê û kîrayê banan buha kerdî, ma zî verba na rewşî kîrayê banê di mîyanê 15 û 20 TL sabît tepiştî.”
Do koç zaf bibo
Serekê Sendîkaya Muteahîtê yê Efrîne Fewzî Hemzî zî aşkera kerd ke peynîya şerê Efrîne ra koç zaf zêde bi û no koçkerdiş zî hîna zaf bibo û wina dewam kerd: “Taybetê kantona Efrîne cayeke ewlehî û weş o û no ser zî keseke şerî ra ramenî yenî Efrîne. Taybetê rojê peynî di Efrîne de sektorê înşaetî zaf aver şona. Ma eşkenê vajî ke di heme taxê Efrîne de banan berz benî.”
Hemzî destnîşan kerd ke banê ra elaqayeke zaf gir dest o, ê zî wazenê nê waştişan ra biresî û wina donma: “Ma biryarê girewtî do ma bi rayedarê kantone hembarî de hîna weş yew awanî ra şîrê û lazimeya şarê xo bivînî û no ser zî xebat bikerî.”
Projeyê ma est o
Muteahhîtê kantone ra Hecî Ehmed aşkera kerd ke eke sektorê înşaetî aver şîro do bezîrganî zî hera bibo û ê wazenê kantone aver berî û wina vat: “Ma nêwazenê efrinijan pirsgirêk bioncî û no ser zî ma hîme ke saxlam erzenî, no ser zî di zaf hûmarîy de projeyê ma est o û nê projeyê xo zî do ma şaredarî reyde pay bikerî. Do nê projeyan zî seba Efrîne newe newe sektoran aver bero, efrînijan eşkenî bêrê bixebitî. Ma heme nê projeyan xo zî seba komele bivirazî. Şaredarî ganî ma ra warê biakero, ma heme nê projeyê xo çarçiweya ravêreyeya şorişe aver berî.”
NAZIM DAŞTAN / DÎHA /EFRÎN