Peynîya weçînayişê 7’ê hezîrane AKP têk şîbî, dijî şarê kurd zî dest pê konseptê şer kerdbî. Çarçiweya konseptî zî AKP wazena Kurdistan de cayê weçînitox û sindoqan bibedilna. Wekîlê HDPe Sirri Sureyya Onder polîtîkayê AKP ser qise kerd.
Îradeya şarî ra hêriş
Wekîlê HDPe Sirri Sureyya Onder vat ke pergalê ‘Bedilnayişê ray’ a bi fermana qesrê yena waştiş û do weçînayişê pêroyî ya 1’ê Teşrîne de zî bi ca bêro ardiş, wezîfeya dewleta na ya; derfetan xulq bikera ke şar bieşkero bi awayekî adîl, bêhetî û ewle îradeya xo sindoqan bido teber. Onder wina vat: “Pêroyîya ke heta roja ewro demê gelek zehmet de weçînayiş Kurdistan de ameyo kerdiş. Hukimat varişto heme cayê rayê kêm bi dest vista, operasyonê bedilnayişê sindoq û weçîntixon aver bena. Ma omidarî ke no waştiş hetê Desteya Weçînayişê ya Berz nîro qebulkerdiş. Seba ke haloke lêmin de, bi serpirodayişê welatijekî rayê xo cayê ameyo dîyarkerdiş nêşuxulnayiş de, welatij bieşkero weçînayişî betal bikero.”
Bi dek û dolaban
Onder da xuyakerdiş ke Desteya Weçînayişî ya Berz zî nêeşkena bira seba bedilnayişê sindoq û weçînitoxan bigêra. Ma omidarî do no hal bibedilyo. Wazenê hemen ê raybazan de serkewtişê HDPe weçînayiş de têk bibî, erdvînayeke ê bi temamî şîyî, bi dek û dolab, tade û zordarî û hêzê dewlete wazenî netîceyek bi dest bivisnî.”Onder selahîyeta walîyan a ser birdayişê der heqê weçînayiş de wina vat: “Ma êdî nê kesan ra nêvanî walî. AKP heme şaristanê Kurdistan derbasî pergalê hemserekî bîya. Yew hemserekê înan serekê AKPe ya şaristan o, yê bîn zî Walî yo. Qezeyan de zî serekê qezaya AKPe û qeymeqam wezîfeyê aver benî. Derbasî pergaleke bi no rengî ya hemserektî bî. Roj bêro heme walî hesabê do bidî.”
Nêzdîbîyîşê xo dîyar bikerî
Onder ciresna ke eke serpirodayişê bedilnayişê sindoqan hetê Desteya Weçînayişî ya Berz bêro belêkerdiş, dadgerî û bêhetbîyîşê weçînayişî zî mîyan de, ê gelek babetan niqaş bikerî û qise xo ra wina dewam kerd: “Bedilnayişê weçînitoxan de zî hetê teknîkî bêîmkan o. Qala bedilnayişê bi qasî 40 hezar weçînitoxa yeno kerdiş la mîyanê de bedilnayişê bi temamî qezayek esto. Na babet nîno niqaşkerdiş daxî.”Onder wina peynî kerd: “Hetanê hukimatê AKPe sindoqa diyin de zî do têk şîro, no ser zî peynîbîyîşê AKPe ra biba semed. Nê hewldayişê hukimatî yê seba faşîstîya xo înşakerdiş o. Sazîyê ma nika xebityenî ke dijî no halê hem raşteyê neteweye hem zî raşteyê mîyanneteweye eşkeno çi bêro kerdiş. Pêvînayişê ma yê YSK reyde domyeno.”