Li gundê Baqînê yê girêdayî navçeya Hezo ya Êlihê her sal wek kevneşopiyek gundî û welatiyên derdora herema Bekiran diçin, serdana ziyareta Şêx Emer. Îsal jî gundiyên van derdoran ji 7 salî heta 70 saliya berê xwe dan ser turbeya Şêx Emer û wir wek goristan û cihek pîroz qebul dikin. Her sal di destpêka meha Gulanê de ev roj wek mîhrîcanan tê pîrozkirin. Turbeya Şêx Emer hemû bi darin û bi rengê biharê xemiliye. Welatî her sal vê rojê serê sibê ji malê xwe radibin û bi wesayîtan diçin ser goristanê. Gundî tenê wek tewafkirina gorê tên serdanê wek rojek seyranê jî li vir derbas dibe û serdan tên kirin. Gundiyê vê heremê serê sibê di saetên zû de tên li vir taştiya xwe dixwin. Tiştî herî balkêş jî ew e welatî bê goştê sor seyrana xwe derbas nakin. Jin li vir xwarina xwe navrojê bi taybetî goştê sor û savar li ser agir di sîtilên mezin di pêjin û li welatiyan belav dikin.


Hemû gundî li vir hev dinasin
Welatî ji serê sibê heta êvarê li bin siyar daran seyrana xwe serdanên xwe pêk tînin. Ji ber hînikya bin siya daran welatî û zarok di xewê de diçin û dikevin nava xewek şîrîn. Welatî li ser giyayan nimêjê xwe dikin û li ser gorê îbadetê xwe bi cih tînin. Bi tevahî rojê gundî, li ser vê Gora Şêx Emer serdan û seyrana xwe pêk tînin. Ji bilî serdan û seyranê ev roj wek roja hevnasîna gundiyan û xurtikirina yekîtiya gundiyan jî derbas dibe. Li ser mêrgê û giyayên hewşa goristanê welatî ji xwe re dikevin nava hûr û kûrbûna pirsgîrêkê civakî û li ser pêvajoyê nîqaşan dikin.
Herama Bekiran ku jê re tê gotin ji dehan gundên mezin pêk tê. Bi taybetî li vê heremê gelek ziyaret û goristanên qencan hene. Her sal meha Gulanê goristana Şêx Emer, Şêx Mahmut, Şêx Mimemedê Zîlan û Şêx Xelîl bi 10 hezaran welatî wek kevneşopî diçe serdana van ziyaretan û roja xwe bi seyranê derbas dikin. Heta dawiya Gulanê dê ev goristanên van Şêxan bên ziyaretkirin û di dawiya mehê bi dawî dibin. Her sal bi sedan welatî ji metropolan jî tê serdana van goristanan.

DİHA/ÊLIH