Hêzê emperyalîstî şero bîyolojîk de seba şuxilnayişê organîzmayê genetîkî (Mîkrobê super) xelq kerdê. Emerîqayijan demo vîyarte de seba qirkerdişê şarê Emerîkayê Sîyaye nêweşîya vîrusê vileye şuxilnayê.
Bajarê Wuhanê Çînî de yeno vatiş ke bazarê maseyan de vîrusê koronayî vejyayo û hetanî nika no vîrus ra 3 hezar merdim Çîn de cuya xo dayê, belê na humar aşkeraya fermîya Dewleta Çînî ya. Nika vîrus bi lezî pêroyina Dinya ra vila beno. Nika Dinya nîqaş kena, vîrus o ya zî hêrişê bîyoterorîzmî yo, hema zî çew nêzaneno vîrus senî vejîya û senî wina lez vila beno.
Çîn bi hegemonîya ekonomî vejîyeno ver, no welat de vejyayişê wina yew vîrus zî babetêka bi şîk a. Tarîxê hêzê emperyalîstî zaf bi tarî yo. Goreyê tesbîtê www.lekolin.org hetanî nika çend ra merdimeyî telukeyê bîyoterorîzmî cuya kerdê. Nika nêzdî 17 dewletî de programê çekî yê bîyolojîkî estê, nê dewlete bi nameyê şerî guya mintiqayê dişmenî ra nê çekê xo yê bîyolojîkî resnenê la mabenê komelan de nê çekê bîyolojîkî benê semedê merg û nêweşî yê.
Vîrusê vileye şuxilnayê
Zaf çimeyanê aşkera beno ke hêzê emperyalîstî şero bîyolojîk de seba şuxilnayişê organîzmayê genetîkî (Mîkrobê super) xelq kerdê. Emerîqayijan demo vîyarte de seba qirkerdişê şarê Emerîkayê Sîyaye nêweşîya vîrusê vileye şuxilnayê. Hewna Dewlet Îngîlistanî zî serra 1999î aşkera kerd ke vera çekê îmhayî yê kîtle de seba pawitişê welatê xo çekê bîyolojîkî viraştî la her kes zî zaneno ke armancê zîhnîyetê dewlet-netewperestî merdimeyî qirkerdişî yo. Guya dewletan binê pêameyişê qedexekerdişê çekê bîyolojîkî îmze eştî zî hema zî binê nameyê pawitişî de çekê bîyoterorîzmî virazenê.
Modernîteya demokratîke
Seba hêzê empertalîst, qet erjîyîyeya doman, cenî û sivîl çin ê, her roj bi xelqkerdişê çekê kîmyewî û bîyolojîkî şaran yewbînan ra danê şerkerdiş û pêkewtiş. Rayberê şarê Kurd kitabê xo yê pawitişî de na babete tehlîl kerdo û vato ke: “Arizîya endustrîyalîzm de armanc destvistişê ekonomîya komelî esto la xozaya komelî nêeşkeno no sîstemo menfaetî êdî bikirişo. Kesayetîya kapîtîlîzmî zî na raştî aşkera dîyar kena. Averşîyayişê xozaya komelî goreyê rêbazê xo arizî awan keno, bi polîtîk û exlaqî aver şono. Edetîya komelê Rojhelatê Mîyanênî de ekoloji ra heskerdiş esto. Bingeyê modernîteya demokratîke de zî esas; şar û ekonomîya şarî yê.”
MERKEZÊ XEBERAN