Serkewtişê Kobanî serkewtişê heme şaran o û taybetî zî serkewtişê Rojhelatê Mîyanênî yo. Rojawanê Kurdistanî de bi raya verênîya ke yew firset kewt destê kurdan û kurdan zî waşt ke nê firsetê dîrokî qabê kurdan ra weş bigurênê. La mixabin hêzê Mîyanên Netewî no warî de metrese de hewayê yew vergê harî pawitê. Sûrîye de yew hetî ra zî kaos û qargaşa ravirîyanê û hêzê emperyalîstan zî bi hesaban ra nameyê OSO ra hesabê plananê xo kerdê û paştî destek danê OSO. Bi verên ra Tirkîya nê planê qirêjî mîyanî de ca girotê. Sûrîye de her roj tikêna kaos û qargaşa vêşî bîynê û her kesî pawitê Esad rijîya kewt ha keweno. La no warî de planê hêzê emperyalîstan nêtepişt. Çimkî OSO fasofîsa vejîya Sûrîye de heme çî kewt destê El Qaîde û peynî de zî El Qaîde bi DAIŞ. Nayra zî hêzê emperyalîstan nêwaşt ke rejîmê Esadî birijî yo.
Eke rejîmê Esadî birijîyanê se hînê heme kontrol kewtê destê çeteye DAIŞ î. No semed ra zî hêzê emperyalîstan waşt ke hem rejîmê Esadî nêrijî yo û hem zî Sûrîye de kaos û qargaşa dewam bikero. Rojawanê Kurdistanî de kurdan zî nêwaşt ke nê planê hêzê emparyalîstanî de ca bigirî yê. Rojawanê Kurdistanî de kurdî wertaxê nê planê qirêjî nêbî û xoser têgêrîyayîş kerd. Rojawanê Kurdistanî de bi raya verênî de çar Qantonan de pawitişê xono esasî viraşt û peynî de xoserîya kantonanê xo îlan kerde. Rojawanê Kurdistanî de îlan kerdişê xoserîya kantonan çapemenîya dinyayî de zaf gulbang da. Seba îlan kerdişê kantonan ra heme hêzê emperyalîstî bêrehetî bî. Tewr zaf zî Tirkîya nêrehet bî.
Nê bêrehetîya Tirkîya zî her wext Hukûmata AKP erde ziwan û no warî de hemverê Kobanî ra daîmî dişmeneteya xo dewam kerde. No warî de bi rewşa eşkerayî ra Tirkîya paştî û destek da çeteyanê DAIŞ î. Heta no warî de Serekkomar Tayyîp Erdogan wexto ke Serokwezîr bi vatê seke YPG hemverê Esadî ra şer kerdo û Kantonê Kobanî girotî destê xo. Bi vatişê Erdoganî ra seke Esadî nê Kantonî YPG ra bexş kerdî. No warî de ne planê hizê emperyalîstan û nezî planê qirêjê Tirkîya tepişt. Wexto ke Erdoganî vatê Kobanî ha kewte ha kewna vengera nêvatê.
Şorişîya heme bindestana
Şorişîya Rojawanî rijnayîşê qerfyayîşê rêza helqaya emperyalîstana. Bi hezar serrano ke Rojhelato Mîyanên de wehşeteya hizê emperyalîstan dewam kena. Bi raya verêna ke rêza zincîra nê wehşetey kapîtalîstan bi şexsê kapîtalîstan ra çeteyê DAIŞ ra darbeyo gird girot. Kobanî de hemverê çeteyê DAIŞ ra YPG xoverodayîşê destanê camêrdeyî nuştî. Nê destanê xoverodayîşê Kobanî destanê heme şaran a û destanê yewbîyîşê enternasyonalîya şorişî ya. Kobanî de xoverodayîşê destanê camêrdeyî de xoverodayîşê û keda heme şarana. No warî de serkewtişê Kobanî bi sayedê şehîdanê Kobanî ra ya. Ma no warî de heme kesî deyndarê nê şehîdanê şorişî yê Kobanî yê. Kobanî de bi esil sorişî newe despê kena. Nê şorişîya Kobanî zî en muhîm zî sernawera înşa kerdişê şorişî ya û pawitişê sorişî ya. Kobanî de hema zî tehlûke nêqedîya yo û hema zî tehlûke dewam keno. No sebeb ra yo ke no warî de pawitişê xoserîya Kobanî zaf muhîm a. Tewr muhîm sorişîya Kobanî zî sernawe ra înşakerdişo û pawitişo. Serkewtişê şorişîya gulbangê Kobanî heme çar perçeyanê Kurdistanî ra bandorîya xo nawnena. Bi verênî ra nê bandorîya şorişîya Kobanî Şengal de û Kurdistanê Tirkîya de tesîrê xo nawnena. Enkay ra pîrozîya serkewtişê Kobanî heme çar perçeyanê Kurdistanî û dinya de serhildanê pîrozî virazîyenê. En muhîm zî nê serkewtişê Kobanî pêveynayîşê çareserî de destê Tevgera Azad hîna zaf gird kena. Nê weçînayîşê pêroyin de zî tewr moral û desteko gird beno. Hînê nê weçînayîşê pêroyine de HDP bena hêvîya bindestê heme şaran a. Heyana ewro bi rewşa raştî ra Tirkîya de yew muxalefet çinê be.
La ewro ra pey hînê muxalefetê AKP HDP ya. Eke nê weçînayîşê pêroyine de bi rewşa raştî ra yew xebate bibo se HDP heme barajan rijnena û vîyarnena. La belê no warî de yew çîyo muhîmey zî ganî hewayê her wextî xebata weçînayîşî de xebata qlasîke nêbo. Eke hewayê her wextî xebata qlasîkî bibo se, vîyartişê bendî de tehlûke esto. Ganî no warî de serxoşeya serkewtişî nêbo. Xebata weçînayîşî de eynî hewayê yew aşênayîşê bîrî ra hewayê yew derzînî ra biaşînî yo. Na zî bi rewşa eksî ra sewbîna hewa yew rewşa nêbaşî virazîyena. Enka heme tewr ra awantajî bi hetê kurdan ra şuxulîyenê. Eke kurdî nê heme awantajanê xo raşt bigurênê se serkewtiş zaf nêzdî beno. Nê weçînayîş bi rewşa normali ra yew weçînayîşê pêroyinî nîyo.
Nê weçînayîşê pêroyinî seba kurdan ra yew rewşa dîrokî ya. Nê weçînayîş de hem pêveynayîşê çareserî dîyar beno û hemzî azadîya Rayverê Şarê Kurd. No sebeb rayo ke ganî nê weçînayîşê pêroyine de heme kes bi can û rûh ra seferber bo. Bi rûhê serkewtişê şorişîya Kobanî ra hîna zaf têkoşîna xo berz bikero. Serkewtişê şorişîya Kobanî serkewtişê heme şaran a. Serkewtişê şorişîya Kobanî heme kesan ra pîroz bo bimbarik bo.