Roje çin a ke kurdî raştê hêriş, zext û tedayan nêrî. Nê zext û tedayan ra tayê ci welatanê Ewropa de benî. Nînan ra yewe zî Îsmaîl Ozeno ke karê boksî keno yo. Ozenî dîyar kerd ke Serkonsolosê Hamburgî yê Tirkîya Mehmet Fatîh Akî nuşteyê xo yo ke rojnameyê ‘Hamburger Abendblattî’ de nuşto de ey hedef nîşan dayo û wina va: “Aşkere yo ke beraatkerdişê mi ver zaf zorê Akî şîyo. Ak derheqê mi de vato ‘o derheqê welatê mi de çîyanê nêbaşan vano’ labelê wa bizano ke o welatê min o zî. Mi verê cû vatbî Tirkîya de rojnamegerî, sîyasetmedarî, hemserekê şaredarîye û pawitoxê heqê merdiman zîndan de yî û dest ronîyeno mal û milkê şarî ser. Wa vajo kamcîn zure ya? Çi heyf ke Ak Hamburg de sey Erdogano şenik hereket keno. Eke çîyêk bêro sereyê mi berpirsîyar Fatîh Ak û dewleta tirk a.”
ANF / HAMBURG