Parlamenterê HDP yê Dersim Alîcan Onlu, Hemşaredarê Dersim Mehmet Alî Bûl û Nûrhayat Altûn derheqê babed de kombiyayiş viraştî û bernameyê merasîmanê vîrardiş aşkere kerdî. Nûrhayat Altûn qisey kerd û da zonayen ke ser Tertelê 1937-38î ra 78 vîrd ra, la hona kî dirvetê o wextî tezeyê û gonî danê. Altûn da zonayen ke, seweta pêçnayisê dirvetan û seweta ke hetê kulturî û tarixî newede ra bîro înşakerdis wayîrvejyayis hewce keno. Altûn aşkere kerd ke serragêra qirkerdis de merasîmê vîrarden û konferans viraziyeno.
Bernameyê merasîman
Nûrhayat Altûn veng da roşnvîr, akademîsyen, nuştox, rojnameger, hiqûqzan û tarîxzanê Dersim ke seweta dasilasnayiş û rî bi rî ameyisê tertelê paşt bidê. Bernameyê konferanso ke Dersim de viraziyeno, niya yo:
4ê Gulan
* Keyeyê Canan û Baran ke esteyê mordemanê xo yê ke Tertelê ’38î de amey kisten, îye dê dewa Xozad Axûçan de esteyan defin bikerê.
* Meydanê Sey Riza de merasîma vîrarden do viraziyo.
* Cayê qirkerden dê bîrê ziyaretkerdin û gureyinê virastisê vîrdarî do dest bikero ci.
* Bi nameyê ‘Vîrkerdis nê rî bi rî ameyis; wa qirkerdin bîro naskerdis û Dersim Newede ra Înşa Bikeme’ ronisten do viraziyo.
* Zereyê sûk û qezayan de roşnî cêriyena seweta “Xêrê Merdo” çira fiştrayenê, dûayî waniyenê.
* 5ê Gulan seat mavêna 09.00-18.30î de konferans viraziyeno. Peyniya konferansî de hunermendî dê lorikê 1998î yê Dersim biwanê.
DÎHA/DERSIM