Serra 1983î de Rojawanê Kurdistanî de 6 hunermendî ameyî têhet û grûba muzîkî ya bi nameyê Koma Botanî awan kerdbî. Emser serrgêra 35. ya awanbîyayîşê na grûbe ya. Koma Botan heta nika vera xeylê astengî, zext û neheqîyan de estena xo domnaye û xeylê kesê hunermendî resnayî.
Bi wesîleya serrgêra 35. ya awanbîyayîşê Koma Botanî, Merkezê Kultur û Hunerî yê Baqî Xido yê Kobanê de pîrozkerdiş virazîya. Hemserekê Meclîsê Îdareyê Xoserî yê Kobanê Enver Muslîm, Hemserekê Meclîsê Kobanê yê TEV-DEMî Eyşe Efendî û Ehmed Şêxo û bi seyan kesê bînî beşdar bîyî.
Pîrozkerdiş bi rêzgirewtişî dest pêkerd û Eyhan Kobanêyî ser nameyê TEV-DEMî qiseykerdişêko kilm kerd û serrgêra 35. ya Koma Botanî pîroz kerd. Dima ra sînevîzyon ame nawitene û dima ra Koma Botanî deyîrê xo vatî. Pîrozkerdiş bi dîyayîşê xelatan qedîya.
ANHA / KOBANÊ