Li gorî agahiyên hatine bidestxistin îro saet di 17.30’an de şervanê YPG’ê û kurê Hevserokê PYD’ê Salih Muslim Şervan Muslim di pevçûnên li gundê Fatina ya 15 kîlometre dikeve rojavayê Kobanê jiyana xwe jidest da.  Cenazeyê şervanê YPG’ê saet di 20.00’an de anîn bajarê Kobanê û ji aliyê sedan kesî ve hate pêşwazîkirin. Di pêşwazîkirinê de dayika Şervan Ayşe Efendî cenazeyê kurê xwe bi tîlîliyan hembêz kir. Cenazeyê şervanê YPG’ê Şervan Muslim ku birin navenda Saziya Malbatên Şehîdan.

Cenazeyê Şervan Muslim doh ji aliyê deh hezaran kesan ve hate wergirtin û ber bi goristanê ve derxistin rê. Cenazeyê şervanê YPG’ê Şervan Muslim ku birin navenda Saziya Malbatên Şehîdan, saet 12.00’an de ji aliyê deh hezaran kesan ve bi tîlîlî û sloganan hate wergirtin. Cenaze piştre jî bi karwanekî wesayîtan ber bi Goristana Şehîdan a li gundê Termik ve hate birêkirin. Li goristanê merasîm hate lidarxistin.
Gelek saziyên Kurd peyamên sersaxiyê ji bo malbata Muslim û gelê Kurd weşandin. 

KOBANÊ