Topê ke qeraqolê Ziver ra erziyayî Ko Spî dûmareyê dewê Kalxasî de şewat vet. Rixmo ke dewijan serpirodayişê şaredarî kerdî û waştî ke îtfaîye mudaxaleyê şewatî bikero la paşt nêamedayiş û şewat vilayê heremekê hera bi. Sazgehê eleqedar veşayişê dewî bi bêvengî temaşe kerdî. Netîceyê şewatî de xêlê darr û birrî veşîyay bî wel.
Dewijan bi rojan pê îmkananê xo mudaxaleyê adirî kerdî. Semedê xo pawitişî dewijan dûmareyê dewa Kalxasî de xendek kêndî. Roja verî hewldayenê dewijan netîce da û şewat badê 13 rojan girotîya bin qontrolî. Welatijê ke semedê roşanî şî dewe pê yardimê înan şewat wekerdîya. La tayî hereman de şewat hona zî dewam keno.
Dewijan ra Riza Şahînî vist vîrî re rîwalê şewatî darê tuyêrî yê kehanî veşîyay û da zonayen ke tayî cayan de pê sebebê vayî şewat hona rameno. Şahînî aşkere kerd ke şewat heremanê zey Xelan, Sêwan û Çiyayê Şarik de rameno. Dewa Kalxasî verîya 36 serran amê veşnayen û veng (tal) kerden.
ÇEWLIG