7 Teşrîna peyîn yê 2016 de, Dereyî Çetî yê qezaya Dersim Xozatî de netîceyê hêrişê hewayî de 11 DHKPCyîyan weşîya xo kerd vinî. Cenazeyê înan hona kî nêdîyayê keyeyanê ci.
Keyeyê gerîlayan seweta girewtişê cenazeyê domananê xo 32 rojîyo grevê vêşandî de yê. Cinîya bi nameyê Ceyda Guneş ke mordema gerîla Mûrat Gunî ya kî poşt dana nûmayişî. Guneş aşkere kerd ke heta esteyê mordemê xo Mûrat Gunî bigîrê nûmayişa înan do dewam bikero.
‘Dewlete heqê ma yê definkerdişî kî destê ma ra gêna’
Ceyda Guneş da zonayen ke dewlete 11 DHKPCî koyê Dersim de qetil kerd û hina va: “Heqê keyeyan ê mezelî destê înan ra amey girewten. Heqê dewlete çin o dest bido cenazeyan ser. “Destê ma ra heqê definkerdişî kî gênê. Heta ke ma cenazeyanê xo bigîrê ma do destek bidê nûmayişî. Heta nika ma cenazeyê Bunyamîn Kiliçî girewt û ma wazenê cenazeyê bînan zî bigîrê.”
‘Sîleho kîmyewî ame xebitnayîş’
Guneş ard ziwan ke, operasyonî de sîlehê kîmyewî ke goreyê qanûnê mîyannetewî sûcî yê ameyê xebetnayen û esteyê DHKPCîyan zî vilêsîyayê. Guneş vist vîrî ke rîwalo ke cenazeyî vilêsîyayê nêeşkenê testê DNA kî bikerê û va, ‘Cenazeyê Bunyamîn Kiliçî ra teber cenazeyê hîrê kesan kî Tibê Edlî de yê.’
‘Esteyî do bêrê waştiş’
Ceyda Guneş tewr peynî de kî da zanayîş ke prosesê huqûqîye zerrî hetê pawitoxan yeno domnayîş û esteyê ke înan vetê, dê Tibê Edlî ra reyna biwazê. Guneş aşkere kerd ke eke besenêkerê bigîrî pawitoxî çitur bivînê proses do hina dewam bikerê.
DERSIM