Bi zalimîna xo kurdan û şaranê bînan sero zorvajiye kerdo.Kurdan verra na zilm û nêqiyan bêveng nêvinete, sarrê xo dardo we. Bi xoverdayiş û tekoşîna şaranê Mezopotamya, bi rayverîna Kawa ya peyniya zûlmê Dehakî amo. Na rî ra ke 21. Adare Rojhilatê Miyanî de jê roşanê serbestîye yeno bimbarek kerdene. Na roze, roza verra zilimkaran biyayen a. Serva şarê kurdî cayê Newroz jedena muhîmo.
Zorvajîye ra xelesnayiş
Her çixaş nêqiye şarê kurdî sero dewam bikero kî, peyniyê de hukumdarî xo zerrê adirê Newroz de vînenê. Mazlûm Dogan adirê Newroz bedenê xo de tafîştena, no adir jedena gur kerd. Endî qeyta jû Dehak besenêkeno no adirê serbestiye wesayno. Ewro adirê Newroz zey kila gura veseno. Bi saya fedekariya ke raya serbestiye de ama dayene adirê Newroz seserrano nêsonowe. Adirê Newroz sembolê haştiye, serbestiye û xovedayeno. Newroz roza serbestiya, newroz roza tekoşîna, Newroz roza verra faşîzmîn jûbiyayena. Newroz roza neweya, newe ra xoser amene. Newroz rengê gûl û çîçegan a, vengê cem û dereyana, vengê Firat, Dicle, Mûnzûr a. Adirê Newroz koyan ra roşt dano welatan. Bi rengê kesk, sûr, zer kila Newroze bena girs.Newroz verra zilm û faşîzm, verra înkar û îmha, verra zorvajiye û terteleyan jê çeber vinetena. Tayna adirê Newroza roşana newe ra xoser ameyene bimbarek bena.