Mêrdeyê ay kewta zîndanî û cuyayişê xo destra dayo ra pey, ay bi 9 domanêy xo têkoşîna cuyayişî daya û zey nimûneyeke ceneka têkoşêr şîfreyê serkewtişê xo girêda bawerkerdişî. Bi no hawayî zî bawerkerdişê; ‘Cenek nêşkena bikera, serkewte nêbena’ şikita.
Ser civatî zext
Til Temir de taxa Hemra de Mihdîya Mihemed bi 9 domanêy xo cuyena. Mexbûrîyetî ra a ewnîyena 9 domanêy xo. Ciwaneya xo de bi citkarî û sewalweyekerdişî debara xo kerdêy û wina vat: “Verî wendiş karê mêrdeyan bi. Cenekan kerdbîy qalibeke tengî. No zî semedê qalibê civatî bi. Civatî de şeref û dîn ver de bîy. Cenekîy civatî de zaf bertekan û bendan ra rîbirî manenêy. Min waştê ke ez biwana la nêbi.
Mêrdeyê min veşnay
Qala zewijnayişê xo kerd û wina dewamî da: “Ez 20 serreya xo de bi zordayişê malbata min ez bi hawayê berdêl amewa jewijnayişî. Ez û kekê min ma bîy qurbanê kanşopnayişêy ma. Jewijyayişî ra pey min mêrdeyê xo qet nêşkîyayê qebûl bikerî. No warî de min zaf zehmetî ontîy. 10 serrêy sifteyin de min malbata mêrdeyê xo ra zaf ont. 9 domanêy min bîy. Mêrdeyê min kaçaxcîtî kerdê û no mijarî de 5 serran zîndanî de rakewt. Pey tepiştişê ey hezêy Sûrîyeyî 2 aşman ra pey Hesekê taxa Xiwêran de zîndanî veşna. Mêrdeyê min oca de cuyayişê xo vinî kerd. Heme barê 9 domanan min milî de mend. Tu kes nêşikya ke destê xo dergê ma bikero.”
‘Min bawer kerd’
Mîhdîya ard ziwan ke semedê cuyayişê xo bidomno loqanteyeke qijkek û karê deştişî kerda û wina dewam kerd: “Ez bi cenekeya xo zaf zehmetîyan ra ravêrawa. Vajîyayê ke cenekîy nêşkenê debara keyî bikerêy la min kerd. Çimkî min bawerê xo kerd û ez biser kewta. Civatî de vajîyeno ke ‘cenî nêşkena’ min şikit. Ma muhtacê tu kesan nêbenêy û ma cuyayişê xo dewam kenêy. Ez û domanêy min ma zaf rehet êy. Min hevîya biwanî zaf ont, ez do domanêy xo bêwendiş nêternî. 2 domanêy min YPGyî de ca genêy. Domanêy min yê bîn zî Rayberdişê Herêma Xoser de xebat kenêy.”
JINHA/TILTEMIR