Fitre û zekatî serva Gever
Riha-Xelfetî de zî bi rayverîna Kongreya Cenîyanê Azad KJA de cenî fitar de ameyî yew ca. Sermiyanê HDP û DBP ê qeza zî tewrê fitarî bî. Sifreyê Rîerd de cenîyan wero heremî ke tewr xo arde yewbîn de bara kerd û qijan zî mirda kay kerd û keyf guret. Fitar ra dima cenîyan bi wesîleyê Aşma Remezanî waştenê haştî arde zûne û waşthi ke şar zekat û fitreyanê xo bieşrawo Gever.
Amed de zî azayê KJA heftê de yew duyerim Sifreyê Rîerd nanî ruwe. Taxê ke Sifreyê Rîerd niyene ruwe, welatijî bananê xo de şamîya xo kenê hedre û sifre de bare kene.
Ciwiyayişê komunal
Azaya KJA Arzu Karaman ke derheqê babed de qisey kerd arde zûne ke ê semedê paşdayena zêdinayîşa nê sifreyan de yenê pêser û welatijî zaf eleqa miyejnene ra.
Karaman dazûnayene ke, ê fitar ra dima zî rojdem ser qal kene û muhîmînê paştdayene û yewbiyayîş ser vindene. Arzû Karaman Sifreyê Rîerd sey ciwiyayîşo komunal hesibna û va ‘pêserameyîşê înan dê biramê. Yew Sifreyê Rîerd zî Bedlîs-Xelat de nîya ruwe.Welatajin piya fitarê xo kerde û bi sebebê aşma bûmbarek mesajê haştî day.
Wahar kampanyaya yardimî bivecime
Peycoy zî meleyan semedê Gever, Nisêbîn û cayanê bînan ê Kurdistan ke hetê dewlet ra ser û bin bî, veng da û waşte ke şar wahar kampanyayê way-birayî bivecîyo. Hûnca Îzmîr de zî bi rayverînê Kongreya Demokratîk ê Şaran HDK Sifreyê Rîerd nîya ruwe. Bi seyan kesê ke tewrê fitarî bî semedê Gever gidayê wişk tewr xo ardî.
Per bîn ra Serokkomarê Tirkîye Erdogan qesr de, tewr sefîran ame yew ca û hûnca pê mesajanê guwîna fitare xo kerde û fermanê dewamê lejî da.
NAVENDÊ XEBERAN