Şima do çopê tarîxî de vînî bibî

Wekîlê DEPe yê aye demî û hemserekê Şaredarîya Agirî yê nikayîn Sirri Sakik babete ser vat ke polîtîkayê Agirî, Dêrsim, Zîlan û Koçgirî nika Sûr, Cizîr û Nisêbîn û cayê ke xorayîrberdiş ameyî îlankerdiş de yeno şuxilnayîş û wina vat: “Ez fam nêkena qey merdim û dewletî tarîxî ra qet ders nêgênî. Ganî problemê kurdî rolê sîyasetê demokratîke kay bikerdînî labelê nika AKPe serrê 90’î de Çîller û Dogan Gureşan çi rayîr şuxilnayî se eynî rayîrî şuxilnena. Demo ke ma tepiştî Meclîs ameyî dorpêçkerdiş, yanî bi aşkera derbeyeke sivîl ameybî kerdiş. Hemgurekarê ma, ma teslîmê polîsê terorî kerdbî. No zî eybê Meclîsî bî la nika wazenî eynî eybî bidê cuyayîşî.”

Ma hewn bêrî

Sakik demo ke ê tepiştî qise ke kerdbî ard vîr û wina vat: “Ma pawitoxê dozake heqdar î. Eyro seba ke îlaheyan ferman dayî şima eşkenî ma zereyê 4 dêsî de esîr bikerî la ma bawer kenî ke ma do hewna biagêrî la şima do çopê dîroke de çin bibî. 2012 de hewna rojdemê Meclîsî ra hawanayîşê destnêdayîşê ma ameybî û min eynî no qiseyê xo dibare kerdbî. Ma nika ewta de yî û ma îradeya şarêkî yî û çareserîya problemê kurdî ser zî xoverdayîşê xo aver benî.”

Sakik tewr peynî aşkera kerd ke ganî muzakereyê Dolmabaxçe newe ra dest pê bikerî, çimkî kurdî Tirkîya de wazenî zey welatijo zeypê biciwî.