Sîyasetmedar Rifat Ozbeko ke serranê 90î ra nata bi hawayo aktîf mîyanê sîyasetî de ca girewtêne, wefat kerd. Ozbek serra 1947î de qezaya Bismilî ya Amedî de amebi dinya û serranê 90î de wexto ke dewî ameyênê veşnayîş îdarekarîya Goç-Derî kerd. Serrê 1993-94î de 2 domanê ey beşdarê Têkoşînê Azadîya Kurdî bîyî û dima ra keyeyê Ozbekî raştê îşkenceyê dewlete ameyî. Ozbek û domanê ci bi desan reyan ameyî tepiştiş û tewqîf bîyî. Ozbek dima ra mîyanê partîyanê DTP, BDP û DBPyî de bi hawayo aktîf xebatî kerdî. Mabênê serranê 2004 û 2009î de Endamîya Meclîsê Şaredarîya Bajarê Girdî ya Amedî kerd. Ozbeko ke dormeyê xo de welatperwerêko nimune yeno şinasnayîş, demêko derg o nêweşîya nebesîya qelbî antêne û vizêr wefat kerd. Tazîye Camîyê Bedîuzzamanî yê Dîclekentê Amedî de ya. ANF/AMED