Îdareyê SOFA Ardurek yê Bremen semedê wayîrvejyayişê tepişteyanê sîyasî yê Ardurek kampanyayekê da destpê kerdiş. Îdarekaranê SOFA Ardurek pê vengdayîşekê nuştekî pê nameyê ‘ARDUREK WAYÎRÊ ÎRADEYÊ XO VEJÎNO’ startê kampanya da. Vengdayîşî de wazîya ke semedê tepişteyanê sîyasî yê Ardurek yê bi nameyê Nafiz Koç, Ramazan Ayan, Siraç Keskîn, Selamî Kiliçaslan, Mûstafa Çelîk û Selahattîn Yildirim desteg bîro dayen.
Tepişteyê sîyasî rûmetê ma yê
Îdareyê SOFA Ardurek pê nê vatenan veng da Ardurekijan û Kurdistanijan:
“Tepişteyê sîyasî rûmetê ma yê. Nayî ra ma semedê paştîdayîşê tepişteyanê sîyasî yê Ardurek kampanyayekê da destpê kerdiş. Zerrî û destê kamî ra çi yeno êşkeno desteg bido. Yê ke îmkanê ci yê madî çinîyo zî êşkenê bi dûayanê xo desteg bidê. Yardimê ke semedê kampanya yenê, ma dê pêrokînê ci bieşrawe tepişteyanê sîyasî yê Ardurek. Nayî ra ma nameyê kampanya xo kerd ‘ARDUREK WAYÎRÊ ÎRADEYÊ XO VEJÎNO!’ Nika ra seba desteg û hetkarîye şima vanime berxudar bê!”
BREMEN