Terteleyê Gurgume ser 36 serr vîyart, la hema zî deja şahîdê terteleyê hûnik nêbîyo. No demî de seba hadreyeya Terteleyê ser bi îdiaya ‘Humarîya nûfisî’ û ‘Vîrnêbîyîşê nameyan ser’ keyeyê elewîyan bi boyaxî ameybîy nîşankerdiş û peynî de zî bi zaf hûmarey rey de hezêy fermîya dewletî 111 kesêy bê gunê doman, îxtîyar, cenî û ciwanêy elewî amey kiştiş û bi hezaran zî amey birîndarkerdiş.
Hewna dema terteleyî de 552 banîy û 289 cayêy karî amey xirapkerdiş û seyî ra 80’î welatijê elewî zî bi zor amey sirgûnkerdiş. Şahîdê terteleyê Gurgume vat bike no tertele seba hadreyeya darbeya 12 Êlule bî û hewna înan dema terteleyî de terteleyê domanan ra şahîd bîy û no ser zî serrîy bivîyarê zî ê no menzareyî vîr nêkerî.
Terteleyê Gurgume hema zî rojdemê Tirkîyayî de yo û no tertele ser şîrove ke yena kerdiş, hemeyan de yew fikir est o, no tertele seba hadreyeya darbeya 12 Êlule amekerdiş û dejê no terteleyî zî hema zî teze yo. Dîrokî de hetanê nika ser elewîyan de zaf hûmarîy de polîtîkayê terteleyî ameyê şixulnayişî û no terteleyê Gurgume zî cayê ey zaf muhîm o û ser no Terteleyî ra zî 36 serrîy vîyart.
Sifte seba hadreyeya terteleyî, endamê Sazîya Ciwanê Nijadperest di sînemeya Çîçekî de, dema kaykerdişa fîlma ‘Roj çi çax biakew o?’ de salona sînemeyî ra bombeya vengî eşt û peynî de zî endamê Sazîya Ciwanê Nijadperest bi dirûşmeya ‘Tirkîyaya misilman’, ‘Tirkîyaya nijadperest’, ‘Komunîstan bieşrê Moskovî’ û ‘Başbug Turkeş’ de 19 Kanûne de dest pê terteleyî kerdî û no tertele zî heta 24 Kanûne 1978’î domya. Hema zî deja şahîdê terteleyî vînay hûnik nêbîyo.
Bombe eştîy sînemayî
Taybetê rojê terteleyî faşîstan taxê elewîyê Yoruk Selîm, Magarali, Serîntepe, Dumlupinar û Sakaryayî de keyeyê elewîyan ra bi baxaneya ‘Humarîya nûfisî’ û ‘Vîrnêbîyîşê nameyan ser’ bi boyaxî. Saetê şewî 19 Kanûne de sînemeya Çîçekî de dema kaykerdişê fîlma ‘Roj çi çax biakew o?’ ameynê temaşekerdiş. Bi talîmatê serekê Sazîya Ciwanê Nijadperest a Gurgume ra Mustafa Kanlidere Okkeş Kenger sînemeyî ra bombeya vengî eştî.
Peyniya qewimyayişî de zî bi seyan faşîstîy bi diruşmeya ‘Tirkîyaya misilman’, ‘Tirkîyaya nijadperest’, ‘Komunîstîy wa bişêrê Moskovî’ û ‘Başbug Turkeş’ qîrenî û verbê taxê elewîyan ra bi çeka tifingêy otomatîk guley vera danê û peynîya guleyan endamê TOBDERî di mamosteyê demokratî cuyayiş xo dano. Çi balo ke hemverê terteleyî no demî elewîyan CHP, partîyê çepî, cendirme û emnîyetî ra ardim waşzen, la elewîyan ra CHP vana ke: “Ma dewleta ke girdêy, ma do verê heme çîyan bigerêy wa zereyê şima rehet bibo.” No vatiş ra pey zî faşîstî bi çekê xo kewtî taxê elewîyan ra bi beyraqa MHPî rey de hêriş kerdî û elewîyan qetil kerdî.
Elewîyan seba ardimkerdişê kewtî keyeyan mîyan û vînaye ke faşîstîy cenî, doman, îxtîyar û ciwan kam dîy se, heme bi çekan de qirkerdbî. Cenazeyan vetî teber la heme keyeyan veşyaynê. Hema zî dejê no terteleyî hetê elewîyan teze yo û elewîyan qet no dejî vîr nêkerî.
Qirrikê domanan bi kardan birnay
Faşîstî hêrişê banê elewîyan kerdî û elewîyan qirkerdî û yew şahîdê qirkerdişê vat bike: “Keyeyê ma seba ke berz bî, no ser zî ma bi rehetî de kuçeyan vînaynê. Nijadperestî keyeyên elewîyan daynê adirî û zereyî ra vengê merdiman ameynê. Dema ke keyeyê ma ra nêzdî bîy, ma zî seba xo pawiyayişê kardî girotbi destê xo. Çimkî heme destê faşîstan de çekî estbîy. Dema ke faşîstîy taxe ra şî, ma zî seba ardimkerdişî vejya kûçe û ma ciwanê elewîyan dî. Înan zî seba pawiyayişê şarê xo têkoşîn daynê û ma ra vatêy: ‘Birîndaran ra ardim bikerêy’ dema ke ez kewt yew keyeyî û no demî min dî ke faşîstîy qirrikê doman, ciwan û îxtîyarê birnabî.”
NAVENDA XEBARAN
Mînereya mîzgeftî ra anonsa faşîstî