Zozan Dêrik dema pêşkêşkerdişê xo de vat ke hêzê kapîtalist Xoserîya Demokratîk ra tersenê û no ser zî çeteyê DAIŞî ra hetkarî danî û nê çeteyan zî hêrişê Rojawan kenî û wina vat: “Zey sewbî kurd, kurdê rojawanijê ser zî polîtîkayê helênayiş û tadeyê yenî şuxulnayiş. Ma zî verba no rewşî nika di mîyanê xoverodayişê de yê.” Dêrik aşkera kerd ke Şorişa Rojawan ser pergala ekolojîyî ame înşa bîyîş û wina domna: “Nika di Rojawan de heme sazîyan bi pergala Hemsereke yenê îdarekerdiş û temsîlîyetî cenî û bawerîyan zî nê heme sazîyan de est o. Hemsereka Kontona Efrînê yew cenîya elewî ya û no zî temsîlîyeta cenî û bawerîyan mojnena. Şorişa Rojawan, yew şorişa cenî ya. Çimkî bi na şorişê yena waştiş ke cenî hewna cewherîya xo ra bireso. Verba çeteyê DAIŞ di tewr verî de hêzê YPJ têkoşîn danî.” Dêrik peynîya pêşkêşkerdişê xo, persê beşdarwanî ra verpers da. Hewna di panelê de temsîlkara Tevgera Cenîya Kurd Têkoşîn zî beşdarwanê ra şarê kurd û cenîyê reyde paştîdayişê ser veng da.
ZURÎH
