Serrê 1905 û 1917’ê Rûsyaye de hîrê heb şoriş ame viraştiş û nê hîrê şorişan ra di hebî xobixo yew zî hetê yew partîye ra amebi viraştiş. Şorişa Sibate ya Partîya Bolşevîkî xo yew partî ra tada la na rewş tena 5 aşman vîyart û na partî xo di 7 temmuze ra nimna.
Şorişa ra Rûsya bi krîzê 20 û 21’ê Nîsane şî, çimkî di no demê de hukûmata vîyarte waştê şerê averbero û rojê 10 û 18’ê hezîrane de zî heme çalakîyê bolşevîkij ame qedexekerdiş û peynî zî tewr gird çalakî ame viraştiş. Hewna di krîzê 3 û 4’ê temmuze de şerê zereyê xobixo teqya la di no demî de Lenîn hîna fikrîya ke seba şoriş îmkan çin o. Lenîn seba şorişe şertan rêz kerdî vatê ganî Marksîzm û Blakîzm cida bibî. Çimkî di no demê de hîna asta karker bolşevîkijan nêşopnaynê, yanî bolşevîkîjan Moskov û Petrograd de zaf nêbî. 
Di rojê 3 û 4’ê temmuze de şoriş xobixo teqîya û artêşa rûs destpê hêrişê bolşevîkijan kerd û peynîya qewimyayişan 7 temmuze de di mîyanê de di heb îqtîdar nêmend û heme îqtîdar burjuvaye ra vîyart. Hukûmata vîyarte û verba şorişbîyîşê mojna ke di na şoriş bi şerê nêbo. Zatî eynî roj hukûmata vîyarte di heqê Lenînî de biryarê gêrayişê vet.
Di rojê temmuze kongreyê 6’in de Troçkî û koma ey partîya Bolşevîk ra beşdar bi. Stanlîn vat ke Troçkî û koma ey wazenê dest ser partî bironî. Bi no beşdarbîyîşê partî destpê îlankerdişê şorişê kerd û na şoriş bê çek nêameynê kerdiş. 
Di rojê 12 û 15’ê tebaxe Erkanê Pêroyine General Kornîlov seba peynîbîyîşê komunîstan destpê xebatê kerd. Asil armancê Kornîlov di Rûsyaye de kerdişê darbeye bi la no waştişê Generalî ra serekê hukûmata vîyarteye Krenskî destûr nêda. Verba no destûr nêdayişê Krenskîyî zî Kornîlov destpê xebatê vilakerdişê kerd. Verba no hêrişê zî ser sîbeyî 7 Citmenge bi rayverîya Lenînî serehewanayişê destpê kerd û no serehewanayişî zî bi serfiraz. Peynîya Şorişa zî bi rayverîya Lenînî hukûmata ame ronayiş û Rûsyaye de dema komunîzmî destpê kerd û di mîyanê de 5 aşme de îdeolojîyê komunîzm vilayê heme Rûsya bi.

PAWIYAYIŞÊ STALÎNGRAD 
Rîpelê dîrokî, qirkerdişê dîktatoran, ferasetê faşîst û bi şeran bar o. Ferasetê mêtinger û dagirê bi hezaran serrano ke nasnameyê nijad û bawerî hêrişan yena kerdiş û no hêrişan zî nê nasname û kulturan ziwa kena.
Bingeyîya şeran pergala komeleyê alternatîf surîknayişê, mîyanê hêzan o. Faşîzmê Hîtler di verba komunîzmê Rûsyayê şer akerd û no zî finak o. Nika di Rojawan de şaran bi hetkarîyê komuneke finak akerd la belê nika no komun zî kapîtalistan ra bi teluke. No ser zî kapîtalistan nika verba Rojawanê çeteyê DAIŞî ra hetkarî danê la belê hêzê kurdan hetanê peynî zî bibê do têkoşînê xo bidomnê.
Ewro xoverodayişê Kobanê ra finak di xoverodayişê Stalîngrad yena mojnayiş. Çimkî di 17 temmuze 1942’ê de faşîstê Almanyayê şorişê komunîstî ra hêriş kerd û peynîya no hêrişê 2 mîlyon kes cuyayişê xo vînîkerdî. Peynîya xoverodayişê Stalîngradî Almaya têk şî. Sifteyin Hîtler di Ewropaye de heme welatan ra ser dest ronaybi û çimê xo Rûsyayê ra agêra. Sifteyin lejkerê Hîtlerî şaristanê Voronezhî hedef girewt û înan bawerî kerdî ke do no şaristanê ra dest ser bironî do Stalîngrad û Volgayî ser zî dest bironî.

PLANÊ MÊTINGERÎ
Hîtler xo ra bawer kerdî ke do şerê qezenc bikero, hetta îxtîmal daxî nêdaynê ke şer 4 aşm dewam bikero. Hîtler plan kerd bike heme Kafkasyayê seba Almanyaye bikero cayê mêtingerî.
Sifteyin lejkerê Hîtlerî 24 hezaranî destpê hêrişê kerdî, no ser zî lejkerê Rûsyayê zî xo her tim tepa ontî û peynîya şerê bi hezaran lejkerê Rûsya merdbî û bi hezaran zî esîr kewtbî. Planê Almanya di Rûsyayê de komunîzmî peynî kerdiş bi la belê Hîtler xeta xo ra fam kerd û Stanlîngrad de Almanya têk şî. 

ROJA KOBANÊ
Bi rojano ke çeteyê DAIŞê hêrişê ser Kobanê kenî la bi xoverodayişê hêzê YPG/YPJ nêşkenî serfiraz bibî. No xoverodayişê Kobanê ser di 1 Teşrîne de vengê Komîsyonê Sivîl ê Tirkîya ya YEyê ser bi dirûşmeya ‘Merdimatî û Kobanê rê verba DAIŞê dinya meşîyena’ çalakîyê global ame viraştiş.
Çarçiweya no meşa globalî di şaristan û welatê Parîs, Rennes, Strasbourg, Basel, Koln, Hamburg, Berlîn, Bremen, Frankfurt, Nurnberg, Freîburg, Stuttgard, Oslo, Stockholm, Goteborg, Kopenhag, Vîyana, Atîna, London, Den Haag, Bruksel, Helsînkî, Kibris, Îtalya, Hîndistan, Japonya, Amerîkayê Latîn, Amerîka û Pakistan de bi eynî demî meş ame viraştiş. Seba na meşê globalê sazîyê komeleya sivîl, tevgerê sendîka, rayvistişê heqê merdimatî û tevgerê aştîyê komîteyê çalakîyê ronaybî. 

XEBAT Û COLÊ ÇALAKÎYE
Di aşkerayê xo di no demî de Komîsyonê Sivîl ê Tirkîya ya YEyê vat bike ganîyo ke di pêroyina dinyayê de seba Kobanê çalakîyan bêroviraştiş û wina domnabi: “Na çalakîyê global ser pêroyina dinyayê de komîteyan ameybi darvistiş. Di nê komîteyan de rayvistişê çep, rayvistişê şorişgerê tirk, partîyê sîyasî, şaxsîyetê polîtîk û rayvistişê cenî ca girewtî. Di Parîs de çarçiweya çalakîyê Raşteyê Bastîlleyê beşdarwanê kom bîbê û meşîyay. Çalakîyê ra Konseyê Kurd ê Demokratîk a Fransaye, Partîya Komunîst, sazîyê keldanî, ermenî û çepî, rayvistişê şorişgerê tirkîyayijê, sendîkayan û rayvistişê komeleyê sivîl beşdar bibîy.” 
Seba çalakîyê di ser Facebookî bi nameyê ‘Journee Mondîale Pour Kobanê’ rîpel ameybi akerdiş. Bi no rîpelê zî vengê çalakîyê, afîş, meteryal û agahîyê çalakîyê ser Facebookî ameybi vilakerdiş.
=Di nê çalakîyê globalî ra Prof. Dr. Andreas Buro û Prof. Dr. Ulrîch Gottsteîn û Dr. Gîsela Penteker zî îmze eştbî. Nê roşnvîran beşdarbîyîşê meşî rê her kesî ra veng daybî û
Prof. Dr. Andreas Buro vat bike eke Kobanê ra hetkarî bêro se dayiş do kobanê bibo sembol û wina domnabi: “Kese demokrat qet di babetê Kobanê de elaqadar nêbenî û seba menfaetê xo têgerîyenê. Heme polîtîkayê mîyanêneteweyî do Kobanê de dîyar bibo.”

Pergala Rojawan ra şer akerdî

Verba hêrîşê  Almanyayê bi hezaran şarê cihûyê Almanyayê ra remaybi û ameybi beşdarê lejkerê Rûsyaye bîbî. Verba hêrişan Stalîn emrê merdişê dabi lejkerê xo û no ser emir zî lejkeran moraleke gird girewtbî la belê eynî roj Hîtler zî lejkerê xo ra emîr da û vat ke ganî heme lejkerê rûs bimrê û şaristanê heme cenîyan sewbî cayê ra bêro neqîl kerdiş. Verba têkoşîna şarê Almanya têk şî. Nika di Kobanê de şarê kurd verba maşeyê kapîtalîzmî DAIŞ têkoşîn danî. Çimkî kapîtalistan pergala Rojawan ra şer akerdî la hêzê HPG, YPG/YPJ bi coş û moralê têkoşîna xo domnenê. Heme dinya bêveng mendo la belê her ke şona têkoşîna şarê kurd hîna berz bena zey Stalîngradî.


LÊL AMED / AMED