Serekê Partîya Sosyalîstanê Ewropa (PES) Sergei Stanishev û bi heyeto ke ey de bi tepişyayîşê Hemserekê Şaredarîya Bajarê Girdî yê Amedî Gultan Kişanake û Fırat Anli ser o semedê hetkarîdayîş Şaredarîya Bajarê Girdî ziyaret kerde.
Endamê Meclîsî û Hetkarê Sekreterê Pêroyî şîy endamanê heyetî ver. Hemserekê Pêroyî yê Partîya Şaran a Demokratîke Selahattîn Demîrtaş Serekwekîla Koma HDP Çaglar Demîrele, parlementerê HDP Meral Daniş Beştaşe, Hîşyar Ozsoy û Osman Baydemîr zî pêvînayîş de ca girewtî.
Demîrtaş: Kenê ma rê tengî vejê
Hemserekê HDP Selahattîn Demîrtaşî zîyaretê heyetî ver keyfweşîya xo îzah kerd. Demîrtaşî wina va “Hemşaredarî ewro vejîyenê mehkeme ver. Beno ke hetanî şewe kare îfadegirewtişî dewam bikero. Serekkomar Erdogan bi qanûnanê OHALî cayê ke nêeşkayo bi weçînayîş qezenc bikero dest roneno ser. Cayo ke bi weçînayîş nêeşkayo qezenc bikero nika xesp keno. No qewimyayîşo peyên ser xizmetê şaredarî asteng bîyî. Bi no qayde kenê ke HDP bikerê sucdar. Bi serrano ke kenê ke wa şaredarî nêeşkê xizmet bikerê. Bi zorîya huqûqî û malî kenê ke şaredarîyanê ma xirab bikerê. La onca zî destegê şarê ma kêmî nêbîyo.”
Ganî heqê merdiman nêrê îxlalkerdiş'
Serekê PES Stanishevî zî qiseykerdişê xo de va “Semedo ke Sosyalîstê Ewropa tîya de yê naye ver zaf keyfweş ê. Semedo ke OHAL esto ma hîna weş eşkenê raştîyan cayê ci de bivînê. Semedo ke ma fehm bikê ke Tirkîya de se beno nêbeno ma ameyî tîya. Beno ke yew teşebusê derbe bîyo. La gereke heqê merdiman nêrê îxlalkerdiş.”
AMED