Nûmayişa grevê veyşanî yê Meclîsa Êzdiyan ê Şengal bi damûsnayinê tewrbiyayinê temsîlkaranê sazgehanê kurd û bi seyan kesan destpa kerd. Nûmayişkaran eleqe ant muhîmînê Ocalan'î yê serva şarê Êzdiyan û pêronê kurdan ser.
‘Rewşê Rayver Apo senîn o?’
Azayê Melcîsa Êzdiyan Fîkret Îgrek ser nameyê çalakgeranê grevê veyşanî qisey kerd û wastenê azadiyê Ocalan'î ard ziwan. Îgrekî aşkere kerd ke ê azadiya Ocalan'î zey azadiya xo û pêronê kurdan vînenê, cok ra dest bi çalakiya grevê veyşanî kenê.
Hemserokê Kongra-Gel Remzî Kartal zî çalekî de qisey kerd û enê persan pers kerd: “Ma wazenê eşkere bimûsê. Rewşê Rayver Apo çiçîyo? Çiyê ameyo ey sere yan nêameyo? Ma wazenê bizanê. Parlementerê HDP ê Şirnex Ferhat Encuyî zî nûmayiş de qisey kerd û vist vîrî ke Ocalan hinî heme hetan ra zey lîderê kurdan yeno qebûl kerden. Encu veng da heme saziyanê hiqûq û heqê merdiman ê maben-netewî ke serva tecrîd û kerdenanê bê hiqûqî yê vera Ocalan'î bikewê miyanê hereketî.
Parlementera HDP ê Wanî Tugba Hezer zî aşkere kerd ke seweta azadiyê şarê kurd û heme şaranê Rojakewteyê Mîyanî, azadiyê Ocalanî zaf muhîma. Hereketê Ceniyanê Kurd ra Yildiz Aktaş zî da zonayene ke heta ke Ocalan azad nêbo, wa kes keyeyê xo de rehet nêkero. KCDK-E ra Yuksel Koçî zî aşkere kerd ke nûmayişê serva azadiya Ocalan'î dê bêmaben biramê. Federasyonê Elewiyanê Demokratîk ra Pîr Riza Yagmur zî, eleqe ant muhîmînê azadiyê Ocalan'î ser. Yagmur'î vat ke, ê zey federasyonê elewiyanê demokratîk FEDA desteg danê grevê veyşanî yê êzdiyan.
STRASBOURG