Nûmayişa ke Meydanê Sey Riza de viraziya de pankarta “Vera Ablûqeya Cizîr, Sûr, Dersim, Gazî ti kî xover bide, cuwya bisevekne, ablûqe bişike” abiya. Pîr Nesîmî Genlîk nûmayiş de qisey kerd vist vîrî ke kombiyayişê 4ê Sibat yê Senato de qerar ame girewten ke, Merkezê Lêkolîn açarniyo Enstîtuyê Lêkolîn yê Alewitiyê Bektaşî.
Genlîk’î da zonayen ke, gureyînê niyayî bin nameyê ‘Stratejiya Mîllî’ de yenê ramiten û na jû vera alewitî zey heqaret biname kerd. Pîr Genlîk da ard zon ke, wezîfeyê zangehan, seweta qomî kamî diyayiş û kamî peyda kerdiş niyê û niya va: Tertelê Dersim goreyê ‘hewcedariyê Stratejiya Mîllî’ viraziya. O ke qirkerdî rayîra ma, kulturê ma, gelenek û adetê ma bî. Pêrokîn çiyê ke eleqedarê Rêya Haq bî hedef. Nesîmî Genlîk’î hayr ant ablûqeyê dewlet ser û qiseyê xo niya qedîna: “Wexto ke dormeyê keyeyê cem girewtiyê, wexto ke numuneyê Cizîr û Sîlopî ver çiman de yê, bin nameyê Stratejiya Mîllî’ de plankerdişê gureyînê niyayî nînê qebûl kerden.
DÎHA/DERSIM