Hetkarê Serokê Pêroyî yê Partîya Sosyalîsta Kurdistan (PSK) Bayram Bozyelî zî vist vîrî ke ganî verîya her çî Kurdî estbîyayişê yewbînî qebûl bikerê û va, ganî stratejîya Kurdan pêrokîn kurd û Kurdistanî pêşwazî bikero.
Bozyelî aşkere kerd ke verîya çehar leteyan ganî sifte her parçe mavêna xo de fikreke vejero wertex û wina dewam kerd: “Heta ke mavêna her parçeyî de îtifaqek nêbo, ma nêşkenê mavêna çehar parçeyan de îtifaqek viraze. Ganî ma seba pêroyîya Kurdistan stratejîyeke pîyayî ronê ke bişerê hemverê qada mavên neteweyî zey Kurdistaneke pîyayî hereket bikerê.”
Bozyelî aşkere kerd ke Kongreyê Neteweyî zey azadîyê, nan û aw ma rê ferz o û va, ‘Ronayişê Kongre bi vatişan nêbeno, ganî gamî bîrê eştiş.