Vera şarê kurd bêhiqûqîya dewleta tirk ramena. Welatijê bi nameyê Mûsa Çelen ke dewa qezaya Dersim Pilêmûrîye Kangali de weşî keno seweta herînayişê hewcedarîyanê xo şi Erzîngan. Çelen wextê ageyrayişê ray de noxteyê polîsan yê Pilêmûrîye de rîwalê ke leyê ci de meqerne, çay ûsb. estbî ame binçimkerden.
Çelen ke berdîya qereqol, bi zorî îmze day eştiş. Çelen ke îfadeyê ci ame giroten, rixmo ke cirê vajîya ke ‘na pelge îmze bike teva nîbeno’ bi îdiayê ‘poştdayenê rêxistin’ sewqê mahkeme bi. Çelenî mahkeme de aşkere kerd ke îfadeyê ‘PKKyijî amey keyeyê mi, pere day mi vatî şo erzex bicêr û 500 TL day mi’ yê eyî nîyo û da zonayen ke no îfade bi zorî ame îmzekerden. Rixmê îfadeyê Çelenî û îtirazê pawitoxê ci, Mûsa Çelen bi îdiayê ‘poştdayenê rêxistin’ tepêşîya û risîya girotxaneyê Erzîngan Tîpê T.
Vera qereqolî çalekî
Heto bîn ra vizêr seatanê şan de gerîlayanê HPG qezaya Dersim Pilêmûrîye de eştî qereqolî ser.
Goreyê zonayişan çalakîyo ke bi çekanê giran û roketan vera qereqolo ke dekewtişê qeza de yo de virazîya de 3 eskerî bî dirbetin. Badê çalakî mavêna esker û gerîlayan de pirodayişî dest kerd ci. Badê çalekî pêrokîn rayê dekewtiş û vetişê Pilêmûrîye amey girewten.
DÎHA/DERSIM